Policia e Kosovës ka gjetur të hapura tetë lokale që ofrojnë shërbime për masazh, e të cilat funksiononin përkundër ndalimit të ushtrimit të veprimtarisë në kohë pandemie.
Sipas një njoftimi nga Policia, operacioni policor u zhvillua në Prishtinë, Ferizaj e Prizren të mërkurën në mbrëmje.
Policia ka njoftuar se në këto tri qytete ka gjetur 35 persona, ndaj të cilëve ka marrë masa.
Bazuar në urdhëresat e prokurorive kompetente në Prishtinë janë kontrolluar 14 lokacione. Prej tyre gjashtë kanë qenë të hapura, e ku janë takuar 23 persona, ndaj të cilëve janë marrë masat e nevojshme ligjore, ka bërë të ditur Policia.
Në Ferizaj janë kontrolluar tri lokacione, që ishin të mbyllura, përderisa është kontrolluar ehe një restorant, ku s’është vënë re ndonjë dyshim.
Në Prizren dy nga katër lokacionet e kontrolluara ishin të hapura. Aty janë gjetur 12 persona.
