Kryeministri i Shqipërisë, Edi Rama ka thënë se rrëzimi i objektit të Teatrit Kombëtar në Tiranë nuk është bërë gjatë ditës për të evituar mundësinë e përplasjes dhe lëndimeve të personave.

“Tani më besoni se nëse do kishte ndodhur në mes të ditës dhe do kishte pasur natyrisht më shumë njerëz. Duhet evituar kjo përplasje”, ka thënë ai.

Rama ka theksuar se Tetari ishte uzurpuar nga një grup njerëzish dhe i njëjti nuk ka qenë nën kontrollin e shtetit.

“Godina e vjetër e Teatrit Kombëtar ishte e zaptuar pra prej 2 vitesh e pak gati 2 vite e gjysmë godina e Teatrit Kombëtar nuk ishte një hapesë e kontrolluar nga ishte marrë peng nga një grup njerëzish me pretendimin se ata përfaqësonin të drejtën sublime të të gjithë popullit”.