Me fillimin e pandemisë Covid-19, në Prishtinë është shtuar numri i rasteve sociale që kanë kërkuar ndihmë për pako ushqimore dhe higjienike.
Kështu ka konsideruar nënkryetari i Prishtinës, Muhedin Nushi në një intervistë për Front Online.
Ai thotë se nga 1600 familje sa kishte Prishtina para pandemisë, ky numër është rritur në 2900 familje me raste sociale.
“Para pandemisë në listat tona në kuadër të drejtorisë së Mirëqenies Sociale, kanë ekzistuar 1600 familje në Prishtinë të cilat kanë marrë asistence sociale nga Komuna. Kemi qenë në përgatitje dhe kemi paraparë që do të rritet numri i familjeve me asistencë sociale pas aplikimit të masave gjatë pandemisë, dhe sot ne i kemi edhe 1300 familje më tepër me asistencë sociale. Kjo nënkupton që i kemi tashmë në Komunë të Prishtinës 2900 familje në tersi”, tha Nushi.
Pakot e para ushqimore dhe higjienike, ai thotë se janë shpërndarë me ndihmën e FSK-së qysh në javën e kaluar, dhe pas një muaji ato pritet të ripërsëriten.
Paralajmëron nënkryetari: Prishtina mund t’i rikthehet karantinës, qytetarët i kanë 3 obligime
“Asnjë qytetarë dhe asnjë familje që ka parashtruar kërkesën për furnizim me pako ushqimore dhe pako higjienike, ne nuk i kemi lënë keq. Prandaj, të gjithë janë furnizuar. Pakot ushqimore do të shpërndahen një herë në muaj. Javën e kaluar ka filluar edhe shpërndarja e pakove ushqimore me ndihmën e FSK-së dhe pas një muaj ditëve do të ri përsëritet”, deklaroi ai.
