Sot janë shëruar edhe 11 persona nga Malisheva, duke e çuar në 71 numrin e përgjithshëm të të shëruarve nga kjo komunë.

Ndërsa kanë mbetur edhe 4 raste aktive me koronavirus, shkruan Gazeta Sinjali.

Lajmi është bërë i ditur nga komuna përmes një njoftimi për media, në të cilën thuhet se shërimi i 11 pacientëve, është konfirmuar nga komunikimi me Institutin Kombëtar të Shëndetësisë Publike, pasi 11 të shëruarit, edhe në testin e dytë, kanë rezultuar negativ.

Pas këtij lajmi të mirë për Malishevën, nënkryetari i Komunës së Malishevës, Hajdin Berisha dhe drejtori i Drejtorisë për Shëndetësi dhe Mirëqenies Sociale, Liridon Hoti, i kanë uruar të shëruarit dhe i kanë falënderuar qytetarët për kulturën e treguar gjatë kësaj periudhe, duke kontribuar në mospërhapjen e virusit.

Gjendja me COVID-19 në Komunën e Malishevës, është si vijon:

Nga 76 të prekur me virusin korona, 71 prej tyre janë shëruar, 4 raste janë aktive dhe një rast ka pësuar me fatalitet.

https://www.facebook.com/komuna.malisheve/posts/3520826601277167