Zelanda e Re ka deklaruar të hënën se ka eliminuar koronavirusin, ndërsa vendi njoftoi lehtësimin e masave kufizuese nga niveli katër në nivelin tre.
Numri i të infektuarve gjithashtu jep shenja shprese. Gjatë konferencës për shtyp të kësaj të hëne, për përditësimin e shifrave të rastet e reja me COVID-19, Zelanda e Re raportoi 1 rast të ri, katër të mundshme dhe një vdekje nga sëmundja infektive.
Edhe pse kryeministrja Jacinda Ardren deklaroi se virusi është “eliminuar” për momentin, zyrtarët kanë bërë thirrje për kujdes, duke thënë se numri i plotë i rasteve të reja nuk është zhdukur plotësisht.
Nga e marta, qeveria e Zelandës së Re ka vendosur të rihapë disa aktivitete jothelbësore të biznesit, kujdesit shëndetësor dhe arsimor. Shtetasve u është kërkuar që të qëndrojnë në shtëpi dhe të shmangin bashkëveprimet sociale.
“Ne po hapim ekonominë, por nuk po hapim jetën shoqërore”, tha Ardern në konferencën e përditshme të qeverisë.
Deri më tani, Zelanda e Re ka raportuar më pak se 1.469 raste me COVID-19, 19 kanë humbur jetën ndërsa 1.180 janë rikuperuar prej sëmundjes infektive.
