×
  • Lajme
  • Lajme

    22 vjet nga rënia e mjekut dhe humanistit Shpëtim Robaj

    FrontOnline
    30 Shtator 2020

    Sot mbushen 22 vjet qëkur mjeku dhe humanisti Shpëtim Robaj ra në luftë derisa po shkonte për të shëruar plagët e luftëtarëve të lirisë dhe popullatës civile.

    Robaj u lind më 15 tetor 1957 në Prizren. Mësimet fillestare i mori në shkollën “Meto Bajraktari” në Prishtinë, ku asokohe ishte shpërngulur familja e tij. Shkollën e mesme e mbaroi në Gjimnazin “Sami Frashëri”. Kreu me sukses edhe Fakultetin e Mjekësisë në Prishtinë.

    Ai duke qenë mjek atdhetar dhe humanist i shquar qysh në fillim të luftës së Ushtrisë Çlirimtare të Kosovës, shfaq interesim për të ndihmuar luftën dhe të plagosurit. Me këtë qëllim patriotik, pa vonuar kontakton me drejtuesit e Spitalit ushtarak në Likoc të Drenicës qysh në prill 1998, përmes Imer Halimit.

    Ndihma e tij si anesteziolog në shërimin e luftëtarëve dhe eprorëve të UÇK-së, ishte e pazëvendësueshme, pasi pikat shëndetësore nuk kishin pajisje të tilla të domosdoshme.

    Merita e tij është blerja dhe vendosja e teknikës së Rentgenit me pajisjet përkatëse në Likoc, teknika u bart nga Zenel Kastrati dhe Shaban Hoxhaj.

    Në pranverë dhe në verë të vitit 1998, Shpëtim Robaj merr pjesë në trajtimin mjekësor dhe në shërimin e shumë luftëtarëve të lirisë, por edhe të pjesëtarëve të popullatës civile në Breshanc, Ponorc, Gradicë, Senik, Gajrak dhe në pika të tjera shëndetësore të luftës.

    Me të dëgjuar lajmin për masakrën e kryer nga forcat serbe kundër familjes Deliu në Abri të Drenicës, Shpëtim Robaj së bashku me mjekët Cen Bytyçi, Ilir Tolaj, Osman Sejfijaj, Ymer Aliu dhe një ekip të Kryqit të Kuq Ndërkombëtar, niset në drejtim të Abrisë, me qëllim të ndihmojë të plagosurit e shumtë, por kamioni në të cilin ndodheshin bie në minat e vendosura nga okupatori serb, si rezultat i së cilës merr plagë vdekjeprurëse.

    Lajmi për rënien e doktor Shpëtimit u prit me pikëllim në familje dhe te kolegët e tij.

    Familja Robaj ka marrë mirënjohje për dëshmorin, nga Shtabi i Përgjithshëm i UÇK-së, Ministria e Mbrojtjes e Qeverisë së Përkohshme, shoqatat humanitare shëndetësore etj.

    Për jetën dhe veprën e dëshmorit Shpëtim Robaj është shkruar monografia “Dr. Shpëtimi shpëtimtar jete” nga autorët Ilaz Metaj dhe Ali Llunji.

    Nga Rubrika
    Lajme06 Shkurt 2025
    Dhomat e Specializuara në Hagë kanë bërë të ditur se janë pranuar pjesërish akuzat ndaj Hashim Thaçi, Bashkim Smakaj, Isni Kilaj, Fadil...
    Lajme06 Shkurt 2025
    Tri ditë pas deklaratës të emisarit për Misione të Posaçme të Shteteve të Bashkuara të Amerikës, Richard Grenell, kryeministri Albin Kurti ka...
    Lajme06 Shkurt 2025
    Ushtruesi i detyrës së kryeprokurorit të shtetit, Besim Kelmendi, ka mbajtur takim me koordinatoren nacionale, Sebahate Sinani dhe koordinatorët e prokurorive për...
    Të tjera
    Zgjedhjet 202506 Shkurt 2025
    Kandidati për deputet nga PDK-ja, Nait Hasani nga Prizreni ka publikuar një fotografi nga ky qytet duke shkruar “nga Prizreni drejt fitores”.
    Lajme06 Shkurt 2025
    Ndërmarrja “Trepça” sot ka rimarrë nën menaxhim të gjitha pronat e saj. Certifikatat e pronësisë u dorëzuan sot në duart e kryeshefit...
    Zgjedhjet 202506 Shkurt 2025
    Kandidati i LDK’së për deputet, Izet Sadiku, ka thënë se qendra e mjekësisë familjare në Kalabri. Ai ka publikuar pamje nga kjo...
    Bota/Rajoni06 Shkurt 2025
    Kryeministri i Hungarisë, Viktor Orban, ka komentuar vendimin e administratës së re amerikane, të udhëhequr nga Donald Trump, për të ndërprerë punën...
    Kronika06 Shkurt 2025
    Prokuroria Themelore në Ferizaj ka kërkuar nga Gjykata Themelore e Ferizajt caktimin e masës së paraburgimit prej 30 ditësh ndaj të dyshuarit...
    Vip06 Shkurt 2025
    G-Bani, Aldo dhe Loredana u bënë bashkë mbrëmë për t’i bërë një kurth Gjestit. Ideja siç duket u iniciua nga vetë G-Bani,...

    FrontOnline, © 2025 Të gjitha të drejtat e rezervuara.