×
  • Lajme
  • Lajme

    Zmbrapset Qeveria, ndalesa për ceremonitë fetare nuk vlen për faljen e Bajramit

    FrontOnline
    30 Korrik 2020

    Një ditë pasi Qeveria e Kosovës ndaloi pjesëmarrjen e qytetarëve në të gjitha ceremonitë fetare, vetë anëtarët e kabinetit Hoti kanë ngritur dyshime nëse masa e vendosur do të zbatohet edhe në rastin e faljes së Bajramit nëpër xhamitë e Bashkësisë Islame të Kosovës, të premten.

    Në vendimin e votuar nga Qeveria të martën, pika 16 thotë: “Ndalohet pjesëmarrja fizike e qytetarëve në të gjitha ceremonitë dhe veprimtaritë fetare në tërë territorin e Republikës së Kosovës”. Falja e Kurban Bajramit, të premten, bie në këtë kategori ceremonish që me vendimin e Qeverisë është e ndaluar. Por, i pyetur për këtë ndalesë, ministri i Shëndetësisë, Armend Zemaj, ka vënë në dyshim zbatimin e masës së miratuar, raporton KOHA.

    “As nuk ndalojmë e as nuk lejojmë falje të çfarëdo riti fetar. Kemi sjellë rekomandime e vendime për të ruajtur shëndetin. I kemi ndaluar të gjitha aktivitetet publike, qoftë edhe ato private. Vetëm për ta ulur numrin e ta zhdukim pandeminë. BIK-u është përgjegjës”, ka thënë Zemaj.

    Para Zemajt, zbatimin e masës së vendosur për ceremonitë fetare e ka vënë në dyshim edhe Bashkësia Islame e Kosovës, e cila ka konsideruar se masa për ndalesën e pjesëmarrjes “në të gjitha ceremonitë dhe veprimtaritë fetare në tërë territorin e Republikës së Kosovës” nuk ka të bëjë me faljen e Kurban Bajramit nëpër xhamitë e Kosovës.

    “E keni komunikatën e ditës së hënë, nuk ka ndryshim nga ajo që është thënë në atë komunikatë”, ka thënë sekretari i BIK-ut, Ahmet Sadriu, i cili ka thënë edhe se në vendimet e fundit të Qeverisë nuk specifikohet se ndalohet falja e namazit të Kurbanit Bajramit.

    BIK-u të hënën kishte vendosur për faljen e Kurban Bajramit me disa kufizime, si për shembull që në këtë ceremoni të marrin pjesë jo më shumë se 50 persona, të respektohet distanca, si dhe të mbahet maska.

    Comodita me dyshekët e saj në Panairin MOW, fiton klientë të rinj në Gjermani
    Nga Rubrika
    Lajme25 Maj 2024
    Pas paralajmërimit për protestë në Serbi, në Leposaviq vërehet prezencë më e madhe e Policisë së Kosovës dhe KFOR-it. Megjithatë situata në...
    Lajme25 Maj 2024
    Haradinaj kujton heroin Fadil Nimani: ishte i pari në rezistencë e aksione, kudo që e kërkonte nevoja Kryetari i Aleancës për Ardhmërinë...
    Lajme25 Maj 2024
    Në shënim të përfundimit të procesit të Regjistrimit të Popullsisë, Ekonomive Familjare dhe Banesave në Kosovë, i nisur më 5 prill 2024,...
    Të tjera
    Lajme25 Maj 2024
    Ministri i Bujqësisë, Pylltarisë dhe Zhvillimit Rural, Faton Peci, po qëndron në Rahovec në shënim të Ditës së Verës ku së bashku...
    Lajme25 Maj 2024
    Në Komisionin për Mbrojte dhe Siguri delegacioni nga Kosova, kryesuesi deputeti Driton Hyseni, e ka falënderuar shtetin e Bullgarisë për kontributin që...
    Lajme25 Maj 2024
    Ministrja e Jashtme, Donika Gërvalla, ka bërë të ditur se përgjatë qëndrimit në SHBA është takuar edhe me Ndihmës sekretarin e Shtetit,...
    Lajme25 Maj 2024
    Ish-ministri i Tregtisë, Vesel Krasniqi, thotë për “Front Online” se me remitencat janë sa 1/3 e buxhetit të Kosovës. Por, Krasniqi thotë...
    Lajme25 Maj 2024
    Në Sofje të Bullgarisë për tri ditë rresht do të mblidhet Asambleja Parlamentare e NATO-s, ku në agjendën e saj është edhe...
    Lajme25 Maj 2024
    Safet Gërxhaliu, ish ktyetari i OEK thotë se diaspora është arteria kryesore e të hyrave të Kosovës. Ai thotë për “Front Online”...

    FrontOnline, © 2024 Të gjitha të drejtat e rezervuara.