Zëvendësministrja e Jashtme të Shqipërisë: Hoti do të duhej të shkonte në Washington

Zëvendësministrja e Jashtme e Shqipërisë Edith Harxhi në studion e “ABC News” ka folur për akuzat ndaj Presidentit të Kosovës Hashim Thaçi dhe kreut të Partisë Demokratike të Kosovës Kadri Veseli.

Harxhi tha se çështja e Kosovës nuk duhet të krahasohet fatin e individëve, ndërsa shtoi se Kosova po përballet me një nga situatat më të vështira.

Ajo shtoi se Bashkimi Evropian ka dështuar për dhënien e vizave në Kosovë dhe vazhdon të tregojë që Kosova nuk i ka përmbushur kriteret.

Ajo u shpreh se nuk ka pasur vullnet politik dhe se ka një ndarje të madhe politike për fatin e Kosovës.

“Çështja e Kosovës nuk është çështje e individëve. Ashtu siç nuk e kemi lidhur më parë me Ramush Haradinaj apo ushtarëve të tjerë që kanë shkuar në Hagë. Nuk duhet të krahasojmë çështjen e Kosovës me fatin e individëve. Për momentin që po kalojmë imazhi i Kosovës është cenuar, por edhe imazhi i Presidentit të Kosovë sepse është institucion”.

“Besoj që të dy janë në kohë për të gëzuar karrierë politike pasi të përfundojnë të gjitha procedurat ligjore. Nëse do të kishim konfirmim të akuzës mendoj që do të duhet të japë dorëheqjen. Por situata politike në Kosovë do të vështirësohej. Duhet të kalojmë përtej individit këtë rast, sepse Kosova është më e rëndësishme. Kosova sot është në një nga ditët më të vështira.Ne duhet ta shohim çështjen me vërtetësinë e saj. Serbia është faktorizuar mjaft. Kjo për shumë arsye sepse ne shqiptarët kemi harruar çështjen e Kosovës, pa u zgjidhur çështja e Kosovës, Shqipëria nuk do të jetë shtet funksional”.

E dyta e diplomacisë shqiptare gjatë intervistës se kryeministri i Kosovës Avdullah Hoti nuk duhet të kishte anuluar pjesëmarrjen në Washington.

“Mendoj që Kryeministri Hoti duhet të kishte marrë pjesë në Washington, pavarësisht problemeve të brendshme. Të paktën ai duhet të ishte atje, sepse mund të ishte një tjetër fitore për Kosovën. Kam informacion që vendimi i tij ka qenë i konsultuar. Besoj që Samiti i Parisit mund të mbahet, por pres që amerikanet të japin një datë tjetër, në momentin që do të qartësohet në Prishtinë se çfarë do të ndodhë me institucionin e Presidentit. Dy takimet nuk mu duken komplomentare, por dolën që ishin të dakordësuar me njëra-tjetrën”.

Shkëlqim Devolli takon guvernatorin e Texasit, Greg Abbott, flasin për rritje bashkëpunimi Kosovë – ShBA

Sponsoruar