[wp-story]

Lajme

Zemaj: Rastet me Covid-19 po rriten, pas vendimeve të Qeverisë “Kurti”

Zemaj: Rastet me Covid-19 po rriten, pas vendimeve të Qeverisë “Kurti”
11:00 | 19 Qershor 2020

Ministri i Shëndetësisë, Armend Zemaj, duke raportuar në komisionin për Shëndetësi dhe Mirëqenie Sociale, ka thënë se me të marrë mandatin është ballafaquar me numër të madh të rasteve me Covid-19.

Ai, para anëtarëve të komisionit ka deklaruar se rritja e rasteve është rezultat i lirimit të masave që kanë filluar më 4 maj.

“Me marrjen e mandatit po ballafaqohemi me rritjen e numrit të rasteve që është rezultat edhe i lirimit të masave që ka nisur më 4 maj. Faza e tretë e hapjes ka nisur në vendimin e ish-qeverisë së Kosovës, që kishte të bënte me hapjen e gjashtë pikave kufitare, heqja e masave të vetizolimit për ata që nuk kishin test negativ jo më të vjetër se 72 orë”, ka thënë Zemaj.

Kurse, sa i përket manualit të publikuar nga Ministria e Shëndetësisë, Zemaj, ka thënë se ky manual do të përditësohet.

“MSH ka hartuar manualin për mbrojtje nga COVID-19. Ky manual specifikon detajet për mënyrën e punës në çdo veprimtari. Manuali do të përditësohet në vazhdimësi dhe paraqet një përmbledhje të udhëzimeve të profesionistëve të IKSHPK-së”, ka thënë ai.

Zemaj, ka folur edhe për lehtësimin e masave duke thënë se lehtësimet tjera, mund të bëhen vetëm pasi që sigurohen se po zbatohen të gjithë masat.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera