Zbulimi i tre rasteve të reja me Covid 19 pas një pauze prej gati tre muajsh, ka bërë që autoritetet vendase në Vietnam t`i përfshijë paniku. Për këtë qëllim, ata kanë urdhëruar që pothuajse të 80.000 banorët e qytetit Da Nang ku u gjetën tre të sëmurët, të evakuohen që të gjithë.

Me mijëra turistë vendas po ashtu po përpiqen tani të largohen nga qyteti bregdetare, në mesin e histerisë masive që i ka përfshirë të gjithë. Mundësia për evakuim është e hapur për të paktën katër ditë dhe kompanitë ajrore lokale do të kryejnë gati 100 fluturime në ditë nga Da Nang drejt 11 qyteteve të tjera të vendit, njogtoi guvernatori i Hanoit.

Tre të infektuarit atje i dhanë fund një periudhe 99 ditore pas asnjë rast të ri të virusit. I pari i këtyre të prekurve ishte një burrë I cili kishte pasur kontakte me të paktën 50 persona të tjerë.

Të gjithë ata janë vendosur në karantinë. Pas tij u konfirmuan edhe dy raste të tjera, dhe tashmë zyrtaret vendas të shëndetësisë druhen se numri I të prekurve nga infeksioni do të shtohet në ditët në vijim.