×
  • Bota/Rajoni
  • Bota/Rajoni

    Zaev 4 vite në krye të Qeverisë, kryeministër shqiptar veç 100-ditë

    FrontOnline
    18 Gusht 2020

    Kryetari i LSDM, Zoran Zaev dhe kryetari i BDI-së, Ali Ahmeti zyrtarizuan marrëveshjen e arritur midis partive për formimin e koalicionit qeveritar.

    Mandatari Zaev theksoi se marrëveshja ka për bazë një mandat katërvjeçar ku ai do të jetë kryeministër deri në fund të tij.

    Por siç tha në 100 ditët e fundit, Qeveria do të udhëhiqet nga kryeministër i propozuar nga BDI, ideja e kryeministrit shqiptar që ishte pjesë e fushatës së kësaj partie, informon INA.

    Ai tha se faleminderon kreun e BDI-së, Ali Ahmeti për mençurinë, durimin dhe përkushtimin për këtë marrëveshje për të mirën e vendit.

    Në vetë marrëveshjen BDI tregoi madhështi dhe virtyt për të ardhmen e shtetit dhe interest e qytetarëve dhe për suksesin e vendit. Dua të përmend se pjesë e marrëveshjes është heqja e Qeverisë teknike. Por ne si partner koalicioni jemi dakorduar që 100 ditë para zgjedhjeve, partitë me propozim të BDI-së të caktojnë një kandidat për kryeministër. Kjo është në kuadër të ndërtimit të mirëbesimit”, theksoi Zaev.

    Kreu i BDI-së, Ali Ahmeti theksoi se sigurisht që ideja e tyre për kryeministër shqiptar është për ti afruar njërëzit dhe komunitetet, dhe jo për ti larguar.

    “E tha edhe Zaev. Në Maqedoni ka pasur ministër të mbrojtjes, ministër të brendshëm, kryetar Parlamenti dhe kjo veç e ka përforcuar mirëbesimin midis qytetarëve. Cështja e kryeministrit mbetet një porosi për afrim dhe marrje përgjegjësie të shqiptarëve. Duhet përshëndetur edhe guximi i zotit Zaev që për herë të parë do të ketë kryeministër shqiptar në 100 ditët e Qeverisë”, theksoi Ahmeti.
    Zaev veç tjerash tha se kjo marrëveshje do të marrë dritë jeshile në organet më të larta partiake të LSDM dhe BDI.

    “Këtë marrëveshje e arrijmë brenda periudhës që më është ndarë mandati. Marrëveshja e shpejt po bëhet në kohën kur vendi po përballet me sfidat me Covid19 dhe sfidat e tjera.”, theksoi Zaev.

    Ai shpalosi parimet e Qeverisë së re, që janë: standardi jetësor i qytetarëve, rritja e rrogave, pensioneve, investimet, vetingu, kuadrot e pastra dhe cilësore, verifikimi i origjinës së pasurisë së funksionarëve, transparencë e institucioneve dhe zvogëlimi i privilegjeve të funksionarëve, shëndetësia dhe beteja me koronavirusin, ruajtja e ambientit jetësor, zbatimi i reformave, modeli i ri zgjedhor, zvogëlimi i administratës për 20%, efikasiteti i administratës, për 3 muaj të fillojë dhe mbarojë sistemi i administratorëve të punësuar sipas Marrëveshjes së Ohrit, si dhe ligjet reformatore me flamurin e BE-së, etj.

    “Këto parime janë pjesë e programit të përbashkët qeveritar, që ka si bazë edhe Marrëveshjen me Greqinë, Marrëveshjen për fqinjësi me Bullgarinë dhe Marrëveshjen e Ohrit”, theksoi Zaev.

    /Front Online/

     

    Pa rrymë deri në 8 orë, KEDS del me njoftim për nesër
    Nga Rubrika
    Bota/Rajoni20 Qershor 2024
    Përfaqësuesi i Lartë i BE-së, Josep Borrell, gjatë ditës së sotme dhe të premten do të qëndrojë në Austri, ku do të...
    Bota/Rajoni20 Qershor 2024
    Policia hungareze ka arrestuar një shtetas kosovar pasi e kapi duke tentuar të kontrabandonte 11 kilogramë marihuanë në Hungari përmes kufirit serbo-hungarez....
    Bota/Rajoni20 Qershor 2024
    Si pasojë e aktivizimit të një pajisjeje shpërthyese në Cetinje të Malit të Zi, janë vrarë dy persona dhe tre të tjerë...
    Të tjera
    Vip20 Qershor 2024
    Ya Nina është një nga reperet relativisht të reja në industrinë e muzikës, ndonëse ajo po gjithnjë e më shumë po merr...
    Lajme20 Qershor 2024
    Kryetari i Kuvendit të Kosovës, Glauk Konjufca ka njoftuar se ka marrë pjesë  në përmbyllje të punimeve të seancës së 11-të plenare...
    Lajme20 Qershor 2024
    Deputeti i Partisë Demokratike të Kosovës, Ferat Shala ka njoftuar se nga data 14 qershor, në minierën e Stantërgut është ndërprerë procesi...
    Lajme20 Qershor 2024
    Çmimet e ujit të pijes mund të rriten në ditët në vazhdim. Përpos rritjes së vazhdueshme të çmimeve të produkteve, rreth 170...
    Lajme20 Qershor 2024
    Kryenegociatori i Kosovës për dialogun me Serbinë, Besnik Bislimi, ka thënë se Kosova është një shtet i cili synon anëtarësimin në OKB,...
    Sport20 Qershor 2024
    Kombëtarja e Francës e ka nisur me fitore Kampionatin Evropian pasi mposhti Austrinë me rezultat minimal 1-0. Francezët u frikësuan kur ylli...

    FrontOnline, © 2024 Të gjitha të drejtat e rezervuara.