×
  • Lajme
  • Lajme

    Viola von Cramon: Shkëmbimi i territoreve, assesi temë në Bruksel

    FrontOnline
    10 Korrik 2020

    Më 12 korrik Kosova dhe Serbia do të takohen në Bruksel me ftesë të Bashkimit Evropian.

    Më 12 korrik do të rifillojë dialogu mes Kosovës dhe Serbisë dhe palët do të takohen në Bruksel.

    Raportuesja për Kosovën në Parlamentin Evropian, Viola von Cramon, ka deklaruar për lajmi.net, se ky është hapi i parë për rifillimin e një procesi të stërzgjatur dhe se sipas saj, ky takim duhet të shërbejë për gjetjen e një zgjidhjeje më afatgjate mes Kosovës dhe Serbisë e cila do të sillte njohjen e Kosovës dhe normalizimin e të dyja vendeve.

    Viola von Cramon theksoi për lajmi.net, se në këtë takim assesi nuk duhet të diskutohet dhe as të jetë si temë çështja e shkëmbimit të territoreve.

    “Ky do të jetë hapi i parë i një dialogu të gjatë, i cili duhet të zgjidhë në një afat më të gjatë njohjen e Kosovës dhe normalizimin e marrëdhënieve midis Prishtinës dhe Beogradit. Ajo që është e rëndësishme është fakti se nuk duhet të jetë temë shkëmbimi i territoreve dhe nuk duhet të diskutohet. Të gjitha palët duhet të përjashtojnë këtë si një opsion, pasi kjo nuk do të zgjidhte problemin e njerëzve që jetojnë në Kosovë dhe Serbi. Bashkimi Evropian duhet të qëndrojë në ulësen e shoferit për dialogun, pasi qëllimi afatgjatë është ende integrimi evropian i të dy vendeve”, ka deklaruar Viola von Cramon

    E pyetur nëse edhe në samitin e 10 korrikut të organizuar nga kangelarja gjermane, Angela Merkel dhe presidenti francez, Emmanuel Macron, mund të arrihet ndonjë marrëveshje, raportuesja për Kosovën në Parlamentin Evropian, ka deklaruar se shpreson që të arrihet jo vetëm një, por më shumë marrëveshje. Mirëpo ajo thotë se nuk ka gjasa që menjëherë pas rifillimit të dialogut të ketë një përfundim të shpejtë.

    Viola von Cramon thekson se është e lumtur që do të rifillojë dialogu mes Kosovës dhe Serbisë.

    “Shpresojmë së shpejti do të kemi një ose më shumë marrëveshje, por nuk ka gjasa të ketë ndonjë konkluzion të shpejtë. Në përgjithësi, ne jemi të lumtur të shohim rifillimin aktiv të dialogut pas pushimit të gjatë në fund të vitit të kaluar”, deklaroi Viola von Cramon për lajmi.net.

    Theksojmë se, Kosova dhe Serbia pritet që më 12 korrik të rifillojnë dialogun mirëpo, paraprakisht më 10 korrik do të zhvillohet një “samiti virtual” mes liderëve të Prishtinës dhe Beogradit, që do të ndërmjetësohet nga presidenti i Francës, Emmanuel Macron dhe kancelarja gjermane, Angela Merkel.

    Ky samit, që do të zhvillohet përmes një video-lidhjeje, dhe sipas njoftimeve zyrtare të deri tanishme ka për qëllim uljen e tensioneve ndërmjet Kosovës dhe Serbisë.

    Nga Zyra e Macronit thonë se ky është një samit franko-gjerman dhe i BE-së.

    Nga Rubrika
    Lajme07 Maj 2025
    Partia Demokratike e Kosovës ka mbajtur sot mbledhjen e rregullt të Kryesisë për të diskutuar zhvillimet e fundit politike, bllokadën institucionale, si...
    Lajme07 Maj 2025
    Deputetja e Lidhjes Demokratike të Kosovës, Doarsa Kica-Xhelili i ka reaguar deputetit të Lëvizjes Vetëvendosje, Hekuran Murati, duke i thënë se askush...
    Lajme07 Maj 2025
    Një muaj paraburgim i është caktuar H.S. të dyshuar për spiunazh. “Gjyqtari i procedurës paraprake ka aprovuar kërkesën e Prokurorisë Speciale të...
    Të tjera
    Bota/Rajoni07 Maj 2025
    Policia e Sarandës ka arrestuar në flagrancë, Ergys Isufin, kandidatin për deputet të koalicionit “Nisma Shqipëria Bëhet” në qarkun e Vlorës. Isufi...
    Lajme07 Maj 2025
    Ish-ministri i Jashtëm, Enver Hoxhaj, ka thënë se është i lumtur që miku i Kosovës, Johann Wadephul, është emëruar Ministër i Jashtëm...
    Opinione07 Maj 2025
    Burimi: The Financial Times, Gideon Rachman. Ashtu si Donald Trumpi, Bashkimi Evropian krenohet me zotësinë e vet në artin e marrëveshjeve. Ngjarja...
    Lifestyle07 Maj 2025
    Ndonjëherë për të luftuar stresin duhet vetëm të zgjidhni ushqimet e duhura. Nëse ju duket se keni humbur kontrollin dhe çdo gjë...
    Lajme07 Maj 2025
    Biznesmeni Behgjet Pacolli, ka ndarë një foto në profilin e tij në Facebook, ku ndër tjerash ka shkruar edhe se ‘‘kur dikush...
    Lajme07 Maj 2025
    Mbledhja e Partisë Demokratike të Kosovës, e paralajmëruar sot edhe nga kryetari i kësaj partie Memli Krasniqi, ka nisur tashmë. Në këtë...
    -->

    FrontOnline, © 2025 Të gjitha të drejtat e rezervuara.