Kryetari i Partisë Demokratike të Kosovës, Kadri Veseli ka bërë homazhe pranë varrit të heroit Ismet Jashari, i njohur si Komandant Kumanova.

Në përvjetorin e rënies së Jasharit, Veseli shkroi në një reagim se jeta dhe vepra Komandant Kumanovës i takon traditës më të çmuar të kombit shqiptar.

”Me nderim të thellë, kujtova sot, heroin e kombit, Ismet Jashari – Komandant Kumanovën, në përvjetorin e rënies së tij.

Lavdia e tij ishte e madhe, pjesë e idealeve me të cilat gatuhej shpirti liridashës i çdo çlirimtari.

Jeta dhe vepra e Komandant Kumanovës tashmë i takon traditës më të çmuar të kombit tonë si shembull i rrallë deri në përjetësi.

Lavdi!”