Kronika

Vdes një person në Dragash, vetëm dy ditë më herë ishte konfirmuar pozitiv me COVID-19

Vdes një person në Dragash, vetëm dy ditë më herë ishte konfirmuar pozitiv me COVID-19
13:06 | 25 Korrik 2020

Drejtoria e Arsimit në Komunën e Dragashit ka njoftuar sot e ka vdekur, Bislim Kuteli, punëtor i arsimit në Shkollën Fillore “Ulina” në fshatin Kosavë Kuteli vetëm dy ditë më herët ishte konfirmuar si i infektuar me virusin COVID-19, raporton Gazeta Express.

Njoftimin për vdekjen e punëtorit arsimor e ka dhënë edhe Drejtoria për Arsim në Dragash.

Me dhembje të madhe e morëm lajmin për ndarjen nga jeta të sekretaritë të Shkollës Fillore dhe të Mesme të Ulët “Ulina” në Kosavë , Bislim Kuteli.Ndarjet si kjo e sekretarit të kësaj shkolle, në një moment të papritur, të lënë pa frymë!Në emër të Drejtorisë së Arsimit në Dragash i shpreh ngushëllime të sinqerta familjes Kuteli, të afërmve, mësimdhënësve të shkollës “Ulina”!Bislimi u prehtë në paqe!”, thuhet në njoftim.

Për situatën pandemike në Dragash ka folur për Express edhe kryetari i Komunës, Shaban Shabani, i cili ka thënë se gjendja nuk është e mirë por e menaxhueshme.

Ai ka thënë numri i vdekjeve është shumë i lartë krahasuar me numrin e vogël të personave të infektuar. Derisa thotë se deri tani janë të shëruar 20 persona dhe vetëm 4 raste aktive.

“20 persona janë të shëruar, 4 aktiv dhe 4 persona kanë ndërruar jetë”, ka thënë Shabani

Shabani ka bërë thirrje tek qytetarët e Komunës së Dragashit për rritje të kujdesit dhe të respektimit të rekomandimeve për bartjen e maskave dhe mbajtjen e distancës.

Derisa ka ngritur shqetësime se banorët në Komunën e Dragashit po i fshehin simptomat dhe nuk po lajmërohen tek organet kompetente.

Ai ka thënë se tashmë edhe nëpër qendra private të mjekësisë do të lëshojnë një qarkore për t’i identifikuar dhe lajmëruar personat e dyshimtë për COVID-19.

Kreu i Komunës së Dragashit ka thënë se tashmë pas largimit të masave është bërë më i vështirë menaxhimit, meqë siç thotë ai qytetarët e Dragashit në masë të madhe kanë lëvizje drejt Prizrenit.

Dyfish n’plus me ArtMotion

Të tjera