Kryetari i komunës së Ferizajit, Agim Aliu ka bërë të ditur se ka vdekur specialisti i psikiatrisë, Muharrem Asllani.
Aliu përmes një telegrami ngushëllimi ka thënë se Ferizaj ka humbur një mjek të rrallë, punonjësit shëndetësor humbën një koleg të dashur, e familja më të shtrenjtin prind, bashkëshort e familjar.
Ai ka shkruar se veprat, kontributi e sjellja e Asllanit do të mbesin trashëgimia e shëndetësisë ferizajase.
Shkrimi i tij i plotë:
TELEGRAM NGUSHËLLIMI
Tronditës lajmi për ndarjen nga jeta të mjekut të dalluar, specialist i psikiatrisë, ferizajasit shembullor, mikut tim e shumë të dashur për të gjithë, Dr. Muharrem Asllani.
Vepra e tij e shumëanshme, kontributi i tij në mjekësinë ferizajase e më gjerë, sjellja e tij gjithnjë shembullore, mbeten trashëgimia e shëndetësisë ferizajase që do të jetojë ndër breza. Ferizaj humbi një mjek të rrallë, punonjësit shëndetësor humbën një koleg të dashur, e familja më të shtrenjtin prind, bashkëshort e familjar.
Ngushëllime të sinqerta familjes Asllani, kolegëve të të ndjerit, miqve e të njohurve të të ndjerit, qoftë i parajsës shpirti i tij fisnik!
https://www.facebook.com/AgimAliuPDK/posts/4709783602406388
