×
  • Lajme
  • Front TV
  • Front TV

    Vaksinimi kundër gripit sezonal fillon në nëntor, kaq ka kushtuar një vaksinë

    FrontOnline
    28 Shtator 2020

    Edhe pse që nga shtatori, vit pas viti në Kosovë raportohen raste të prekura me grip sezonal, as këtë vit, qytetarët nuk do të arrijnë të vaksinohen gjatë këtij muaji, e as në muajin tetor.

    Zëdhënësi i Ministrisë së Shëndetësisë në Kosovë, Faik Hoti, ka thënë për Front Online, se Ministria e Shëndetësisë ka prokuruar përmes UNICEF-it 160 mijë e 500 vaksina.

    Sipas tij, vaksinat do të nisen në tetor për në Kosovë, vaksinimi i qytetarëve do të bëhet në muajin nëntor.

    “Vitin e kaluar MSh ka blerë 160.500 vaksina kundër gripit sezonal. Këtë vit për shkak edhe të pandemisë janë shtuar sasitë. Këto vaksina, i ka paguar Ministria, ndërsa i ka prokuruar UNICEF-i nga kompani ndërkombëtare dhe janë vaksina të kualifikuara sipas standardeve të OBSH-së”, ka thënë ai.

    MSh-ja synon të blej mbi 300 mijë vaksina kundër gripit sezonal

    Krahas këtyre vaksinave, Hoti ka thënë se MSH-ja synon të blejë edhe mbi 300 mijë vaksina të tjera, për të siguruar vaksina kundër gripit sezonal për të gjithë qytetarët që bien në kategoritë e rrezikut siç janë të moshuarit, të sëmurët kronik dhe shtatzënat.

    Sipas tij, çmimi i vaksinave të prokuruar është 5 euro e 27 cent.

    “Është në procedurat e tenderimit edhe sasia prej 250,000 vaksinave”, ka shtuar ai.

    Front Online ka qëndruar edhe në ambientet e QKMF-së në në Prishtinë për të parë nga afër nëse ka interesim nga qytetarët për vaksinat kundër gripit sezonal dhe aty është vërejtur se tashmë qytetarët janë të informuar se nuk do të fillon vaksinimi këtë muaj.

     Covidi e shton interesimin e qytetarëve për t’u vaksinuar

     Doktori në Qendrën Kryesore të Mjekësisë Familjare, Leutrim Zeqiri në një prononcim për Front Online ka thënë se ka kërkesa nga qytetarët për këto vaksina, por që këto procedura nuk fillojnë deri në tetor.

    “Po, faktikisht tashmë jemi edhe në sezonën e gripit sezonal, ku është një infeksion akut viral edhe pacientët për çdo ditë po drejtohen edhe për marrjen e vaksinave , zakonisht imunizimi apo vaksinimi fillon prej muajit tetor deri në muajin dhjetorë”, ka thënë Zeqiri.

    Zeqiri më tutje ka thënë se kanë pranuar një dozë të vaksinave në këtë qendër dhe në nëntor do të fillojnë me vaksinim.

    “Një herë për një herë në Qendrën tonë i kemi pranuar dozën e parë mirëpo nuk ka filluar akoma vaksinimi, besojmë që prej muajit nëntor vetëm do të fillojmë vaksinimin dhe imunizimin e qytetarëve”, është shprehur ai për Front Online.

    Sipas mjekut Zeqiri, si pasojë e situatës me Coronavirus këtë vit ka më shumë kërkesa nga qytetarët për të marrë këto vaksina.

    “Edhe puna e COVID-it na ka komplikuar punën ka shkaktuar stres edhe te qytetarët, gjë që e ka bërë të kërkohet më shumë ndihmë edhe kërkesat me qenë më të mëdha këtë vit”, ka thënë ai për Front Online.

    BAD NEWS EAGLE BËJNË HISTORI NË LIGËN E LEGJENDAVE DHE DY FINALE FANTASTIKE BASKETBOLLISTIKE TREPÇA – PEJA
    Nga Rubrika
    Lajme29 Mars 2024
    Mostrat e zhdukura të ish-aktivistit të Lëvizjes Vetëvendosje, Astrit Deharit tashmë i ndjerë dyshohet se janë gjetur. Këtë e kanë bërë të...
    Lajme29 Mars 2024
    Raportet e Kosovës me Selinë e Shenjtë kanë qenë gjithmonë miqësore. Madje, ato duhet të shkojnë drejt njohjes reciproke si shtete. Kështu...
    Lajme29 Mars 2024
    Ambasadori i Kosovës në Kroaci, Martin Berishaj po intervistohet nga Prokuroria Speciale e Kosovës nga orët e mëngjesit, nëndyshimet për për një...
    Të tjera
    Lajme29 Mars 2024
    Kryetari i Komunës së Podujevës Shpejtim Bulliqi, ka njoftuar se e ka liruar nga detyra drejtorin për Kulturë, Rini dhe Sport, Pajtim...
    Lajme29 Mars 2024
    Ministrja e Punëve të Jashtme, Donika Gërvalla është pritur në një mënyrë të veçantë në Kalabri. Fëmijët në Kalabri kanë kënduar në...
    Sport29 Mars 2024
    Ministri i Kulturës, Rinisë dhe Sportit, Hajrulla Çeku ka njoftuar se kanë filluar punimet për rindërtimin e tërësishëm të fushës së stadiumit...
    Lajme29 Mars 2024
    Zëvendëskryeministri i Kosovës, Besnik Bislimi dhe ministrja për Çështje Evropiane të Malit të Zi, Maida Gorçeviç, deklaruan se Mali i Zi nuk...
    Lajme29 Mars 2024
    Punëtorët e Telekomit të Kosovës, nuk i kanë marrë ende pagat, për shkak të bllokimit të llogarive financiare. Ata në shenjë pakënaqësie...
    Lajme29 Mars 2024
    Presidentja Vjosa Osmani ka falënderuar të gjithë ata që po e përkrahin Kosovën në procesin e anëtarësimit në Këshillin e Europës. Ajo...

    FrontOnline, © 2024 Të gjitha të drejtat e rezervuara.