Personat që kanë botoks në fytyrë mund të përjetojnë ënjtje dhe inflamacion nëse apikojnë vaksinën Moderna kundër COVID-it.

Sipas FDA-së disa pjesëmarrës me mbushës kanë provuar tashmë efekte anësore. Një dermatolog me bazë në Kaliforni tha se reagimi ishte imunologjik.

“Sistemi juaj imunitar që shkakton inflamacion ringjallet kur merrni një vaksinë, kështu duhet të funksionojë”, tha Dr. Shirley Chi, i cili vuri në dukje se efektet anësore u trajtuan lehtësisht nga personeli mjekësor.

“Kështu që ka kuptim që ju do të shihni një përgjigje imune në zona të caktuara ku ata shohin ndonjë substancë që nuk është një substancë që ndodh natyrshëm në trupin tuaj“, tha ajo.

Sipas New York Times, ajo tha se efektet anësore nuk duhet t’i ndalojnë njerëzit të marrin vaksinën.

“Në këto raste të gjithë pacientët kishin ënjtje dhe inflamacion në zonën që iu dha mbushësi”, tha Chi.

“Një çift i pacientëve kishin mbushës faqesh gjashtë muaj para vaksinës së tyre dhe një pacienti kishte bërë mbushës buzësh dy ditë pas vaksinës. Të gjithë u trajtuan me steroid dhe anti-histaminë dhe të gjitha reagimet e tyre u zgjidhën ”, tha ajo.

Vaksina Moderna mori miratimin nga FDA të Premten, duke ofruar një alternativë nga Pfizer dhe BioNTech.

Rezultatet e hershme të studimeve të mëdha, ende të papërfunduara tregojnë se të dy vaksinat duken të sigurta dhe fort mbrojtëse, megjithëse Moderna është më e lehtë për tu trajtuar pasi nuk ka nevojë të ruhet në temperatura ultra të ngrira. /Top Channel/