×
  • Lajme
  • Lajme

    Të mërkurën pritet të mbahet seanca për rishikimin e buxhetit

    FrontOnline
    27 Korrik 2020

    Komisioni për të Drejtat dhe Interesat e Komuniteteve dhe Kthim sot dështoi të shqyrtonte Projektligjin për plotësimin dhe ndryshimin e Ligjit nr.07/L-001 mbi ndarjet buxhetore për Buxhetin e Republikës së Kosovës për vitin 2020, me raport amendamente të Komisionit funksional për Buxhet dhe Transfere, ani pse seanca për këtë çështje pritet të mbahet të mërkurën.

    Kështu, në mungesë të kuorumit, kryesuesi i këtij komisioni Albert Kinolli theksoi se prej 18 anëtarëve vetëm shtatë deputetë janë të pranishëm dhe nuk ka kuorum për shqyrtimin e rishikimit të buxhetit, që ishte pikë e vetme e rendit të ditës.

    Deputeti Kinolli, që është edhe anëtar i Kryesisë së Kuvendit, theksoi se për aq sa është në dijeni, seanca për rishikimin e buxhetit do të mbahet pasnesër (të mërkurën).

    Kinolli: Seanca pritet të mbahet ditën e mërkurë

    “Siç po e shihni në këtë takim jemi duke u ballafaquar në mungesë kuorumit, për ta mbajtur këtë takim na nevojiten prej 18 anëtarëve sa janë pjesë e këtij Komisioni që u bien 10 deputetë. Ne për momentin jemi vetëm shtatë dhe jemi në pamundësi që ta mbajmë takimin… Në të kundërtën ne mund t’i rekomandojmë apo propozojmë seancës që në mungesë të kuorumit pa rekomandim të Komisionit për Komunitete dhe Kthim që në seancë të vendoset. Ne jemi një nga katër Komisionet e përhershme, ne mund të dalim me një rekomandim për t’u vendosur në seancë në mungesë kuorumi, duke përkrah dy propozimet nga parafolësit kolegët që ne pa paragjykim t’i shtjerrim të gjitha mundësitë për shkak se sipas asaj që ne jemi në dijeni seanca plenare do të mbahet ditën e mërkurë”, tha Kinolli.

    Deputeti nga LDK-ja Fetah Rudi theksoi se derisa në karrocë iu ka përgjigjur mbledhjes së këtij komisioni, nuk arrin të kuptojë përse deputetët e tjerë nuk janë në mbledhje.

    Rudi: Derisa unë në karrocë vij dhe i përgjigjem të tjerët nuk kanë arsye

    “Nuk është vetëm një buxhet, por janë interesat e qytetarëve që dalin prej këtu. Mund të jetë një i infektuar, por të gjithë janë prekur, duhet të me marrë pjesë, të punojnë, të mbajnë përgjegjësinë dhe jo vetëm të bojkotojnë. Derisa unë në karrocë vij dhe i përgjigjem të tjerët nuk kanë arsye”, deklaroi Rudi.

    Edhe deputeti Elmi Reçica theksoi se për hir të gjendjes së vështirë nga pandemia, PDK mbështet rishikimin e buxhetit dhe për hir të qytetarëve deputetët duhet të jenë të përgjegjshëm për punën e tyre.

    Reçica: Mos të bëjmë kuorum në këtë kohë pandemie është papërgjegjësi

    “Kemi një situatë që për çdo ditë e më tepër jemi duke pasur të infektuar, të vdekur, një gjendje vërtet veç nuk e ka formën e shpalljes së gjendjes së jashtëzakonshme, ndërsa ne as kuorum s’mund të bëjmë. Në anën tjetër shihen këto amendamente ku mendohet se është krejt gjendje normale. Këtë buxhet me amendamente pa amendamente e kisha votuar vetëm për hir të qytetarëve, përndryshe kurrë buxhet më të panatyrshëm dhe më jo të qartë nuk kam parë… Kur nuk ka vendimmarrje nëpër Komisione, seanca vendosë secilin rast”, tha Reçica.

    Të pranishëm nuk ishin kryetarja e Komisionit nga radhët e Listës serbe Miljana Nikoliq dhe deputetët e tjerë nga kjo parti.

    Këtë projektligj janë të obliguara të shqyrtojnë edhe Komisioni për Legjislacion dhe ai për Integrime Evropiane

    Loja e madhe ka filluar nga 31 Janar dhe vazhdon deri me 2 Shkurt në Petrol Company
    Nga Rubrika
    Lajme13 Prill 2024
    Kryeministri i Kosovës, Albin Kurti është takuar me Rudina Xhaferin, artisten që punon në miniaturë. Ai tha se veprimtaria e Rudinës përfshin...
    Lajme13 Prill 2024
    Presidenti i Republikës Srpska të Bosnjë e Hercegovinës, Milorad Dodik, përkundër se është i sanksionuar nga Shtetet e Bashkuara dhe Mbretëria e...
    Lajme13 Prill 2024
    Akademia Diplomatike në Ministrinë e Punëve të Jashtme dhe Diasporës ka hapur  edicionin e parë të Shkollës për Diplomaci të Diasporës. Mirëpritjes së...
    Të tjera
    Bota/Rajoni13 Prill 2024
    Presidenti amerikan, Joe Biden po shkurton udhëtimin e tij të fundjavës për t’u konsultuar me ekipin e tij të sigurisë kombëtare, tha...
    Lajme13 Prill 2024
    Policia e Kosovës është autorizuar nga Prokurori i Shtetit për arrestimin e xhudistit kosovar, Akil Gjakova, i cili të shtunën u denoncua...
    Bota/Rajoni13 Prill 2024
    Analistët shohin një përparim në rrugëtimin drejt anëtarësimit me Bashkimin Evropian, dhe besojnë se Mali i Zi do të hyjë në fazën...
    Lajme13 Prill 2024
    Kryetari i komunës së Vushtrrisë, Ferit Idrizi, të shtunën ka vizituar fermerin Aziz Aliu në fshatin Tërllabuq. I pari i komunës, ka...
    Bota/Rajoni13 Prill 2024
    Një oficere policie australiane është cilësuar si një heroinë nga kryeministri i vendit, pasi ajo u përball dhe qëlloi për vdekje një...
    Lajme13 Prill 2024
    Sot rreth orës 15:10, hetuesit e stacionit në Ferizaj kanë arrestuar një 40 vjeçar M.I, që ishte duke e kërkuar. Ai ishte...

    FrontOnline, © 2024 Të gjitha të drejtat e rezervuara.