×
  • Lajme
  • Lajme

    Të enjten rifillon dialogu Kosovë-Serbi në Bruksel

    FrontOnline
    22 Qershor 2020

    Dialogu ndërmjet Kosovës dhe Serbisë i lehtësuar nga Bashkimi Evropian pritet të rifillojë të enjten në Bruksel, kanë konfirmuar për Radion Evropa e Lirë burime jozyrtare në Prishtinë dhe Bruksel.

    Pala kosovare ka shumë të ngjarë të përfaqësohet nga kryeministri i Kosovës Avdullah Hoti. Në ndërkohë ende nuk ka konfirmim se kush do të jetë përfaqësuesi i Beogradit zyrtar.

    Ky raund do të organizohet përpara se palët të udhëtojnë në Washington për të marrë pjesë në një proces negociator të ndërmjetësuar nga I Dërguari i SHBA-së për dialogun Kosovë-Serbi, Richard Grenell.

    Vazhdimi i dialogut në Bruksel pason vizitën e Përfaqësuesit të Posaçëm të BE-së për dialogun Mirosllav Lajçak në Prishtinë dhe Beograd.

    Lajçak tha në Prishtinë javën e kaluar se i di datat e dialogut, por se ai do t’i bënte publike ato pas konsultimit me palët. Ai pas bisedimeve me zyrtarët e lartë shtetërorë tha se askush nuk mund t’i ofrojë të ardhme evropiane Kosovës, pos BE-së, andaj sipas tij, blloku evropian nuk mund të lihet anash nga procesi i bisedimeve.

    Duke iu përgjigjur një pyetjeje në lidhje me takimin e Kosovës dhe Serbisë në Shtëpinë e Bardhë më 27 qershor, të thirrur nga i dërguari i SHBA-së Richard Grenell, Lajçak tha se ka dëgjuar për atë iniciativë “por, që ata nuk ishin këshilluar për të dhe nuk komentoj iniciativat e të tjerëve”.

    Ndërkohë, shefi i kabinetit të presidentit të Kosovës Hashim Thaçi dhe këshilltari i tij kryesor Bekim Çollaku ka deklaruar për Radion Evropa e Lirë se zgjidhja e problemeve ekonomike, heqja e barrierave tregtare, lëvizja e lirë e njerëzve dhe e mallrave, si dhe investimet në infrastrukturën rajonale do të jenë temat kryesore të bisedimeve ndërmjet Kosovës dhe Serbisë në takimin në Shtëpinë e Bardhë në Washington të paralajmëruar për 27 qershor.

    Lajçak të hënën po qëndron në Beograd ku është planifikuar të takohet me presidentin serb Aleksandar Vuçiq.

    Kjo raund i bisedimeve në Bruksel do të shënojë rifillimin zyrtar të dialogut i cili është pezulluar në nëntor të vitit 2018 për shkak të vendosjes së taksës prej 100 përqind të mallrave të importuara nga Serbia dhe Bosnja dhe Hercegovina nga ish qeveria e Kosovës e udhëhequr nga Ramush Haradinaj.

    Taksa u shfuqizua më pas, sikurse edhe masat e reciprocitetit që u vendosën nga qeveria e ish-kryeministrit Albin Kurtit./ REL/

    Natën e Kurban Bajramit Petrol Company shpërndan 40 pako ushqimore për fëmijët jetim në Kosovë
    Nga Rubrika
    Lajme22 Qershor 2024
    Forca e Sigurisë së Kosovës së shpejti do të jetë me aeroport ushtarak në afërsi të kufirit me Serbinë. Mirëpo njohësit e...
    Lajme22 Qershor 2024
    Ministri i Administrimit të Pushtetit Lokal, Elbert Krasniqi, ka bërë të ditur se në Ditën Memoriale të Komunitetit Egjiptian ka vizituar disa...
    Lajme22 Qershor 2024
    Ish-drejtori i Policisë së Kosovës, Sheremet Ahmeti, për FrontOnline, thotë se Sigurimi Shëndetësor për Policinë e Kosovës, ka qenë nevojë e përhershme,...
    Të tjera
    Vip22 Qershor 2024
    Modelja tejet e dashur nga publiku, Adrola Dushi, e ftur në një emission televiziv tregon se që e vogël e ka ndihmuar...
    Lajme22 Qershor 2024
    Ish-drejtori i Policisë së Kosovës, Sheremet Ahmeti, për FrontOnline, thotë se Sigurimi Shëndetësor për Policinë e Kosovës, ka qenë nevojë e përhershme,...
    Sport22 Qershor 2024
    Ish futbollisti i njohur gjerman, Mario Basler, ka thënë fjalë të mëdha për Granit Xhakën para ndeshjes mes Zvicrës dhe Gjermanisë. Basler...
    Sport22 Qershor 2024
    Pas fitores mbresëlënëse 3:0 ndaj Turqisë në Dortmund, trajneri i Portugalisë, Roberto Martínez, shprehu kënaqësinë e tij për paraqitjen e skuadrës dhe...
    Sport22 Qershor 2024
    Cristiano Ronaldo ka thyer një rekord historik në Euro 2024 teksa me asistimin e bërë në golin e tretë të Portugalisë ndaj...
    Lajme22 Qershor 2024
    Gjenerali amerikan në pension, Wesley Clark, nesër do të qëndrojë në Kosovë ku do shkojë në takim në selinë e LDK-së ku...

    FrontOnline, © 2024 Të gjitha të drejtat e rezervuara.