Bota/Rajoni

Talibanët vrasin së paku 14 pjesëtarë të forcave afgane të sigurisë

Talibanët vrasin së paku 14 pjesëtarë të forcave afgane të sigurisë
14:55 | 23 Qershor 2020

Zyrtarët afganë kanë thënë se militantët talibanë i kanë organizuar disa sulme gjatë natës së kaluar dhe i kanë goditur disa pika të kontrollit në pjesën veriore të vendit, duke vrarë së paku 14 pjesëtarë të forcave të sigurisë.

Dhuna në orët e hershme të së martës erdhi pasi autoritetet i akuzuan talibanët për shtimin e dhunës kundër forcave afgane në një kohë kur të dyja palët janë duke u përgatitur për fillimin e negociatave të vonuara për arritjen e paqes, shkruan “Free Europe”.

Zyrtarët thanë se sulmet që u kryen në të njëjtën kohë ndaj një pike kontrolli të ushtrisë dhe dy pikave të kontrollit të policisë në provincën Kunduz bënë që të zhvilloheshin luftime që zgjatën disa orë.

Një zyrtar rajonal tha se gjatë luftimeve janë vrarë tetë pjesëtarë të forcave të sigurisë dhe janë plagosur shtatë të tjerë.

Militantët gjithashtu sulmuan një pikë ushtarake në provincën Balkh dhe një tjetër në provincën Ghazni gjatë natës. Ministria e Mbrojtjes tha se disa militantë janë vrarë gjatë këtyre përleshjeve.

Prince Caffe pjesëmarrës në panairin DUBAI EXPO 2021

Të tjera