Instituti Kombëtar i Shëndetit Publik sonte pritet të bëjë ritestimin e 22 mostrave të personave të cilat mbrëmë kishin dalë negative.
Lajmin për portalin “Front Online” e ka konfirmuar zëdhënësi i shtabit emergjent për Covid-19 në Viti, Tefik Salihu.
LEXO EDHE: Nuk iu bëhen testet familjareve të të infektuarave me COVID-19 në Dragash
Sipas tij, në këtë komunë janë prekur 53 persona me këtë virus, 20 prej të cilëve janë shëruar, raporton Front Online.
Saliu më tutje tha se vetëm 6 prej tyre po trajtohen në Klinikën Infektive.
“Që nga fillimi i pandemisë, në Viti janë infektuar 53 persona. Prej tyre janë 6 janë të hospitalizuar në Klinikën Infektive në Prishtinë, derisa të tjerët po trajtohen në shtëpi, në vet izolim. Kurse 20 persona tashmë janë shëruar”, deklaroi ai.
Tutje, Salihu tregoi se sonte pritet ritestimi i disa mostrave që mbrëmë kishin rezultuar negative.
“Sipas udhëheqësve të Qendrës Kryesore të Mjekësisë Familjare në Viti, gjendja e të infektuarve është stabile. Sonte pritet ritestimi i 22 mostrave të cilat mbrëmë në testimin e parë kanë dalë negative”, u shpreh ai. /FrontOnline/
