Instituti Kombëtarë i Shëndetësisë Publike të Kosovës mbrëmë konfirmoi edhe 49 raste të reja të infektuar me koronavirus.

Kësisoj numri i të infektuarve ka shkuar në 1 mijë e 486 persona. Por nga ky numër i përgjithshëm të shëruar janë 953 persona, që i bie se numri i personave aktiv me COVID-19 është 500.

Deri më sot numri i viktimave nga virusi COVID-19 në Kosovë është gjithsej 33 persona.

Duhet përkujtuar që ditët e fundit në vend ishin mjaftë shqetësuese sa i përket rritjes së numrit të të infektuarve si dhe përhapjes së tij në zona të ndryshme të vendit.

IKSHPK ka apeluar tek qytetarët që të shtojnë kujdesin, në mënyrë që të ruajnë veten, familjen, miqtë dhe gjithë vendin.

Poashtu nga IKSHPK u rekomandua në drejtim të Ministrisë së Shëndetësisë që të bëhet mbyllja e disa sektorëve në mënyrë që përhapja e këtij virusi të jetë më e vogël.

Duhet shtuar që pavarësisht rritjes së numrit të të infektuarve, nuk është ndërmarrë ndonjë vendim i ri sa i përket lëvizjes apo ndryshimeve të mundshme në qarkullim të qytetarëve.

Për disa muaj radhazi si në shumë vende të botës edhe Kosova po përballet me pandeminë COVID-19, që ka prekur shumë njerëz, por edhe shumë biznese duke u shkaktuar humbje të mëdha.