Gjykata Kushtetuese e cilësoi si të rregullt dekretimin që Presidenti i vendit Hashim Thaçi ia bëri Avdullah Hotit për të krijuar Qeverinë.
Por, si duket, LDK dhe mandatari i saj i dekretuar nga Presidenti, tani ka një problem shumë më të madh se sa tejkalimin e kësaj situate nga Gjykata Kushtetuese.
Tash telashet janë brenda partisë së Isa Mustafës, ku një grup i të “pakënaqurve”, kanë filluar “rebelimin”, pasi janë paracaktuar emrat për drejtuesit e ministrive nga kjo parti, shkruan gazeta inFokus.
Kështu kanë bërë të ditur burimet të sigurta, nga partia e Isa Mustafës për gazetën inFokus.
Derisa kjo parti pa ndonjë telashe thanë që ishin dakorduar me AAK-në, NISMA-n e Listën Serbe për të krijuar ekzekutivin, kaq e lehtë nuk po është edhe me zyrtarët brenda saj.
Nga burime të mirëinformuara gazeta inFokus, merr vesh se ka filluar përçarje e madhe brenda partisë së Isa Mustafës.
Ky burim i ka thënë inFokusit, se përçarja e madhe ka filluar shkaku i emrave të ministrave, shkruan gazeta inFokus.
Nëpër media, ditë më aprë qarkulluan edhe emrat e zyrtarëve të LDK-së që do të kenë poste në Qeverinë Hoti.
Driton Selmanaj u tha të jetë zëvendëskryeministër, ndërsa Vlora Dumoshi do të vazhdoj të qëndroj në krye të ministrisë së Kulturës.
Agim Veliu do të kthehet në ministrinë e Punëve të Brendshme, prej ku u shkarkua nga kryeministri në detyrë, Albin Kurti, shkruan gazeta inFokus.
Ndërsa, Anton Quni, do të vazhdoj të jetë ministër i Mbrojtjes nëse kjo ministri nuk i shkon AAK-së.
E ajo çka është vërejtur, është se Hykmete Bajrami nuk do të qëndroj në ministrinë e Arsimit, por do të kaloj në atë të Financave.
Derisa, Lumir Abdixhiku, nuk do të jetë fare ministër.
Ministrinë e Infrastrukturës pritet ta udhëheqë Arban Abrashi, shkruan gazeta inFokus.
Abdixhiku njihet si përkrahës i kryeparlamentares dhe kryetarës së Kuvendit të Kosovës, Vjosa Osmani, e cila edhe publikisht ka shprehur pakënaqësitë e thella me lidershipin e LDK-së.
Madje, zyrtarë të lartë të partisë së Mustafës edhe kanë thënë që Osmani më nuk do të duhej të jetë pjesë e partisë.
