Rektorët zotohen për bashkëpunim me Qeverinë

Kryeministri i vendit Avdullah Hoti, ka pritur sot në takim rektorët e Universiteteve Publike në vend, raporton “Front Online”.

Pas këtij takimi, Hoti është deklaruar për media, e ku ka thënë që ky takim ishte një takim punues në mes të Qeverisë dhe rektorëve për të koordinuar prioritet në programin e ri qeverisës.

LEXO EDHE: Hoti pas takimit me rektorët: Ka nevojë për disa ndryshime ligjore në universitete

Rektori i Universitetit të Prishtinës “Hasan Prishtina”, Marian Dema, pas takimit me kryeministrin ka thënë që janë koordinuar për shumë veprime që duhet të ndodhin në arsimin e lartë, raporton Front Online.

“U dakorduam për shumë veprime dhe ndryshime që duhet të ndodhin më arsimin e lartë. U koordinuam që së bashku ato ndryshime mund t’i bëjnë realitet”, ka thënë ai.

Ndërsa rektori i Universitetit të Gjilanit “Kadri Zeka”, Bajram Kosumi, ka thënë që prioritet e Qeverisë “Hoti”, për arsimin lartë, janë të ngjashme me prioritet e tyre.

“Konferenca e rektorëve ka bërë një punë shumë të mirë në avancimin e arsimit të lartë. Do të punojmë në temat që Qeveria i ka prioritet e që janë edhe prioritet i arsimit të lartë. Ne do ta përkrahim Qeverinë dhe Qeveria do të na përkrahë edhe neve”, ka thënë Kosumi. /FrontOnline/

https://www.facebook.com/FrontOnlineMedia/videos/264221661569063/

Prince Caffe: Hape dhe fito preminë kryesore, çdo muaj nga një Fiat 500

Sponsoruar