×
  • Lajme
  • Bota/Rajoni
  • Bota/Rajoni

    Rama e quan pamflet njoftimin për aktakuzë ndaj Thaçit e Veselit: Dukej sikur lexoje për Kosovën si agresore

    FrontOnline
    25 Qershor 2020

    Kryeministri i Shqipërisë, Edi Rama, në Kuvendin e Republikës së Shqipërisë, ka folur pas zhvillimeve të djeshme dramatike në politikën kosovare që erdhën si pasojë e bërjes publike të aktakuzave kundër presidentit Hashim Thaçi dhe kreut të PDK’së, Kadri Veselit.

    Rama ka kritikuar në mënyrë të veçantë njoftimin e lëshuar nga Prokuroria Speciale, duke e cilësuar si një pamflet e tekst indinjues, që sipas tij, të krijon përshtypjen se Kosova ka qenë vend agresor dhe jo një vend viktimë.

    “Imagjinoni dikë që nuk di rrethanat e nënshtrimit të Kosovës, se çfarë perceptimi krijon kur të lexojë lajmet e djeshme. Në atë tekst, duket sikur lexon për atdheun e agresorëve, jo për vendin e viktimave të agresionit”, ka thënë Rama në Kuvend.

    Rama ka thënë se njoftimi i Prokurorisë Speciale është edhe një veprim i pakuptueshëm sa i përket aspektit juridik.

    “Dhe në fund të ditës, ai tekst indinjues, që nuk është aktakuza në vetvete, por është vetëm një prelud i pakuptueshëm në aspektin juridik dhe në aspektin e procedurës si një drejtësi e drejt. Një prelude mediatik i një procesi që më pas vijon. Por si i tillë ngre një varg pikëpyetjesh. Pikëpyetje të rënda, jo vetëm mbi pastërtinë e liderëve politik, por edhe mbi vetë kauzën e UÇK’së”, ka shtuar Rama.

    Kreu i Qeverisë shqiptare ka thënë se liderët e UÇK’së për më shumë se 21 vjet kanë jetuar mes lavdeve për drejtimin e luftës çlirimtare dhe mes akuzave për krime.

    “Që nga njëra anë kanë drejtuar luftën çlirimtare dhe nga njëra anë kanë ngrënë njerëz e fëmijë e romë si kanibal”, ka shtuar ai.

    Ndër të tjera Rama ka thënë se Thaçi, Rama, Haradinaj e gjithë UÇK’ja nuk kanë nevojë për mbrojtje publike, pasi që janë vendosur në anën e drejt të historisë dhe e kanë bërë historinë vet.

    “Përballë historisë as Thaci, as Veseli e as Haradinaj, asnjë prej krejt të akuzuarve në 21 vjet, si dhe vetë UCK s’kanë nevojë për mbrojtje publike. Sepse përtej kësaj tërkuze, të një gjyqësie eksperimentale ndërkombëtare, ata janë vendosur në anën e drejt të historisë dhe e kanë bërë historinë vet, duke i dhënë asaj pa ndryshueshmërinë, si histori i çlirimit”, shprehet Rama.

    Përveç tjerash ai thotë se duhet kujtuar se ka qenë lufta e UÇK’së, ajo që ka zgjuar ndërgjegjen e fjetur të botës demokratike.

    “Na duhet të bëjmë një hulumtim të shpejtë në kujtesë, për ta sjellë në vëmendje, se është falë tyre u trondit ndërgjegjja e fjetur e botës demokratike”, ka shtuar kryeministri i Shqipërisë.

    Rama për aktakuzën ndaj Thaçit e Veselit: Ai tekst barazoi viktimën dhe xhelatin

    Si të kurseni mbi 350 kilovatë/orë në muaj me një investim të thjeshtë, tregon Idriz Ferati, drejtor i Auditimit në…
    Nga Rubrika
    Lajme22 Prill 2024
    Ish-ambasador i Shqipërisë në OKB, Agim Nesho ka folur në lidhje me paraqitjen e presidentes së Kosovës, Vjosa Osmani në OKB, duke...
    Lajme22 Prill 2024
    Një person e ka humbur jetën si pasojë e një aksidenti që ka ndodhur pasditen e sotme në Lipjan. Rasti ka ndodhur...
    Bota/Rajoni22 Prill 2024
    Sabreen ishte e vdekur para se ta shikonte apo ta mbante foshnjën e saj, shkruan BBC. Nëna e re e kishte mbajtur për...
    Të tjera
    Lajme22 Prill 2024
    Pas dështimit të zgjedhjeve në veri, analisti Visar Ymeri ka thënë se nuk është “sovrane” qeverisja në atë vend ku kundërshtohet nga...
    Lajme22 Prill 2024
    Antigona Emini, aktiviste e PDK-së, është ndarë nga jeta në moshë të re. Dega e PDK-së në Gjilan ka shprehur ngushëllime për...
    Lajme22 Prill 2024
    Me Fahrije Hoti, Shyhrete Tahirin në njërën anë, e me Vasfije Krasniqin e Elhame Muçollin në anën tjetër, presidentja Vjosa Osmani paralajmëroi...
    Sport22 Prill 2024
    Gazetari italian Mirko Di Natale ka konfirmuar se Juventusi ka shprehur interesim për transferimin e sulmuesit kosovar Edon Zhegrova. ‘Bianconerët’ janë duke...
    Lajme22 Prill 2024
    Nol Nushi nga PSD-ja ka thënë që Partia Demokratike e Kosovës ka rënë në lojën e kryeministrit, Albin Kurti dhe se PDK-ja...
    Lajme22 Prill 2024
    Situata në Kosovë u diskutua në seancën e Këshillit të Sigurimit të Organizatës së Kombeve të Bashkuara. Vendi u përfaqësua nga presidentja...

    FrontOnline, © 2024 Të gjitha të drejtat e rezervuara.