×
  • Lifestyle
  • Lifestyle

    Puna praktike në distancë, si të lini përshtypje të mirë?

    FrontOnline
    23 Korrik 2020

    Nëse keni plan të filloni një punë praktike tani, përgatituni për një përvojë më ndryshe nga ajo që parashikonit. Për shkak të pandemisë koronavirus, shumë programe të punës praktike tani aplikohen nga distanca.

    Sipas një studimi në muajin maj të këtij viti nga “Shoqata Kombëtare e Kolegjeve dhe Punëdhënësve (NACE)” 46% e programeve të praktikës kanë kaluar në një përvojë virtuale. Edhe në vendin tonë një gjë e tillë është duke u aplikuar pasi që kompanitë e ndryshme duan që stafin e tyre të ri ta përgatisin se si të jenë produktiv edhe nëse punojnë në distancë.

    Ja disa strategji të thjeshta dhe shumë efektive për t’ju ndihmuar të lini një përshtypje pozitive gjatë punës praktike në distancë:

    Tregoni profesionalizëmEdhe pse nuk keni kontakt fizik me bashkëpunëtorët tjerë, kjo nuk do të thotë se duhet të ndiheni më komod dhe t’i shtyni detyrat tuaja për më vonë. Është e rëndësishme të veproni profesionalisht dhe me përgjegjësi. Ja disa këshilla që duhet t’i merrni parasysh:

    • Kushtoni rëndësi veshjes: Shumica e takimeve të planifikuara do të mbahen me video thirrje përmes shërbimeve si Zoom, Google Hangouts dhe Skype. Kjo do të thotë që menaxheri dhe bashkëpunëtorët tuaj do t’ju shohin, kështu që është e rëndësishme të visheni profesionalisht.
    • Jeni gjithmonë në kohë: Regjistrohuni në programet e bisedës menjëherë në mëngjes dhe sigurohuni që të kyçeni në video-takime me kohë. Gjithashtu, mos vononi përgjigjet për email-et dhe mesazhet që pranoni, pasi që është e rëndësishme të tregoni se jeni i pranishëm, i angazhuar dhe duke punuar.

    Jeni bashkëpunues

    Një nga qëllimet e shumta të punës praktike është të krijoni lidhje dhe të ndërtoni rrjetin tuaj. Prandaj, shfrytëzojeni këtë kohë të bashkëpunoni me kolegët tuaj, mundohuni t’i njihni ata më shumë pasi një bashkëpunim i ndërsjellë ndikon në mbarëvajtjen e punës së përgjithshme të stafit.

    Merrni iniciativa

    Pavarësisht nëse jeni duke punuar nga distanca ose në zyrë, është gjithmonë ide e mirë të ndërmerrni iniciativa. Kompanitë i vlerësojnë punonjësit që kërkojnë projekte të reja dhe që sfidojnë veten vazhdimisht. Mos hezitoni ta pyesni menaxherin tuaj për punë shtesë dhe të jepni ide të reja në fushat ku e shihni se ka nevojë.

    Jeni mirënjohës

    Është mirë të jeni mirënjohës dhe të sjellshëm. Falënderoni bashkëpunëtorët dhe mbikëqyrësit tuaj kur ofrojnë trajnime, ide dhe njohuri për kompaninë dhe industrinë e përgjithshme. Në ditën tuaj të fundit mos harroni t’i falënderoni kolegët tuaj. Ju mund ta dërgoni një mesazh për të gjithë ekipin, si dhe mesazhe individuale për menaxherin tuaj dhe këdo tjetër që keni punuar ngushtë me të.

    Secila kompani ka kulturën dhe rregullat e saj. Prandaj, është e rëndësishme që t’i respektoni dhe përshtateni rregullave të kompanisë në të cilën mbani praktikë. Ndoshta mund të jetë më sfiduese kur nuk jeni aty personalisht, por nuk është aspak e pamundur./AkademiPune/

    Shkëlqim Devolli takon guvernatorin e Texasit, Greg Abbott, flasin për rritje bashkëpunimi Kosovë – ShBA
    Nga Rubrika
    Lifestyle29 Shkurt 2024
    Shumë njerëz mbështeten në hapa qetësues për sëmundje dhe lëndime të ndryshme. Problemet e zakonshme si dhimbja e kokës, dhimbjet e shpinës...
    Lifestyle29 Shkurt 2024
    Dashi Mundohuni të shpreheni më shumë gjatë kësaj dite sepse po i mbyllët zemrat nuk keni për të përfituar asgjë të mirë....
    Lifestyle28 Shkurt 2024
    Pastrimi i dhëmbëve është një zakon higjienik jashtëzakonisht i rëndësishëm, megjithatë për një arsye ose tjetër dikush mund të harrojë t’i pastrojë...
    Të tjera
    Lajme01 Mars 2024
    Sot në ora 13:30 Këshilli Qendror i Zgjedhjeve do të mbajë mbledhjen e radhës. Gjatë kësaj mbledhjeje do të shqyrtohet rekomandimi për...
    Sport01 Mars 2024
    Barcelona pritet të jetë e zënë në afatin kalimtar të verës, por Rafael Leao nuk do të kalojë në Kataluni. Financat e...
    Lajme01 Mars 2024
    Sot do të mbahet mbledhja e Kryesisë së Kuvendi të Kosovës. Rendi i ditës I. Miratimi i procesverbalit të mbledhjes së mëparshme...
    Bota/Rajoni01 Mars 2024
    Njëmbëdhjetë persona janë shtruar në spital dhe rreth 130 janë evakuuar pasi një zjarr i madh shpërtheu në një ndërtesë banimi në...
    Lajme01 Mars 2024
    Sot duke filluar nga ora 09:00 do të mbahet seanca ndaj Ministrit të Brendshëm të Kosovës, Xhelal Sveçla. Ai akuzohet për hedhje...
    Vip01 Mars 2024
    Artistja e njohur shqiptare, Xhensila Myrtezaj është duke përgatitur një projekt të ri muzikor edhe pas raportimeve të shumta për ndarjen nga...

    FrontOnline, © 2024 Të gjitha të drejtat e rezervuara.