Në regjionin e Gjakovës ka filluar aksioni i Policisë së Kosovës së bashku me Inspektorët komunalë për të kontrolluar respektimin e masave kundër koronavirusit.
Drejtori i Policisë për rajonin e Gjakovës, Lumni Graishta ka thënë për Gazetën Sinjali se aksioni ka filluar në ora 20:00 dhe do të vazhdojë deri pas orës 22:30.
“Ne kemi filluar me aksionin. Do të jetë në vazhdimësi e sipër derisa vendimet e qeverisë dhe rekomandimet e IKSHPK-së të jenë të kësaj natyre. Prej orës 20:00 keni filluar aksionin në të gjithë komunë të cilat i mbulon njësiti i Gjakovës bashkë me inspektorët. Sonte jemi vetëm me inspektorët lokal”, ka thënë Graishta.
