Policia e Kosovës të enjten ka ndaluar një veturë me targa të Serbisë, e cila drejtohej nga një kosovar, e që ka kaluar në rrugë malore dhe ka hyrë në territorin e Kosovës në mënyrë ilegale, raporton Front Online.
Njoftimi i Policisë:
• Fsh. Pasjan, Partesh 24.09.2020-19:50. Patrulla policore në lokacionin e lartcekur ka ndaluar veturën me targa te Serbisë te cilin e drejtonte i dyshuari mashkull kosovar. Në bazë të informatave nga njësiti vëzhgues, vetura në fjalë nga territori i Serbisë ka kaluar nëpër rrugë malore dhe ka hyrë në territorin e Kosovës duke iu shmangur pikave kufitare. Pas kontrollit te automjetit është konstatuar se në automjet ka pasur ngarkesë me sa vijon: 740 shishe birra, 12 shishe coca cola, 20 kg sheqer paketime nga një kg, vaj diamant 15 l, qumësht 12 l. Me urdhër të prokurorit është iniciuar rasti kurse automjeti me mall në terminalin Doganor. Pas intervistimit i dyshuari është liruar të bëhet kërkesë për vlerën e mallit në Doganën e Kosovës.
