Policia e Pejës, ka bërë të ditur se kanë planifikuar veprime shtesë në kontrollin e mjeteve te transportit publik me qëllim qe situata rreth Pandemisë të jetë e menaxhueshme dhe nën kontroll, gjithnjë në zbatimin e udhëzimeve të IKSHP-së dhe vendimeve të Qeverisë, transmeton Front Online.
Njoftimi i plotë i policisë:
Që nga Marsi i këtij viti Policia e Kosovës është duke implementuar Vendimet e Qeverisë në lidhje me luftimin e Pandemisë COVID 19.
Tani siç edhe jeni të njoftuar kemi ligjin për luftimin e Pandemisë dhe Policia e Kosovës në kuadër te mandatit qe ja jap ky ligj është duke berë ç’është e mundur qe shëndeti publikë të ruhet dhe qytetarer ta kalojnë këtë situat sa me lehtë.
Me 14 shtator 2020 ne kishim fillimin e vitit shkollor por me një numër dukshëm te reduktuar te nxënësve sipas planifikimeve Qeveritare, ndërsa nga data 21 shtator 2020 ky numër do të rritet, prandaj Policia e Kosovës respektivisht Policia e rajonit të Pejës ka planifikuar veprime shtesë në kontrollin e mjeteve te transportit publik me qëllim qe situata rreth Pandemisë te jetë e menaxhueshme dhe nën kontroll, gjithnjë në zbatimin e udhëzimeve te
IKSHP-së dhe vendimeve të Qeverisë.
Vendimi i Qeverisë thotë në menyrë te qartë. “të gjitha subjektet qe ofrojnë transport publik (autobusë, kombi, taxi) te punojnë me përgjysmim te kapaciteteve te tyre sa i përket numrit të udhëtarve qe bartin për te lejuar hapësirën e nevojshme për çdo qytetar”.
Poilicia e Kosovës mbetet e përkushtuar ne realizimin e detyrave dhe përgjegjësive të saja ligjoire dhe njëkohësisht iu bën thirrje të gjithë qytetarve qe shfrytëzojnë transportin publik si dhe kompanive qe ofrojnë këto shërbime t’ iu përmbahen udhëzimeve te IKSHP-së dhe
vendimeve te Qeverisë.
