Policia e Kosovës ka pranuar pesë raste të raportimit të dhunës në familje, në të gjitha këto raste viktimë kanë qenë gratë.
Këto raste të dhunës janë raportuar të kenë ndodhur, dy në Fushë Kosovë dhe tri në Prishtinë.
Sipas Policisë në Fushë Kosovë mbrëmë është arrestuar i dyshuari mashkull kosovar, pasi që i njëjti kishte sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit, i dyshuari është dërguar në mbajtje. Po në Fushë Kosovë mbrëmë është arrestuar i dyshuari mashkull pasi që i njëjti ka ushtruar dhunë psiqike ndaj nënës së tij. Viktima ka pranuar tretman mjekësor. Me vendim të prokurorit i dyshuari është dërguar në mbajtje.
Ndërsa në rrugën “Fuad Dibra” në Prishtinë, është arrestuar një burrë pasi që i njëjti ka sulmuar fizikisht bashkëshorten e tij. Viktima ka pranuar tretman mjekësor. Me vendim të prokurorit i dyshuari dërgohet në mbajtje. Po ashtu, dje në kryeqytet viktima femër kosovare ka raportuar se ishte sulmuar fizikisht nga bashkëshorti i saj. I dyshuari është arrestuar dhe me vendim te prokurorit është dërguar ne mbajtje.
Në Prishtinë është arrestuar i dyshuari mashkull kosovar, pasi që i njëjti kishte sulmuar fizikisht të bijën e tij viktimën femër kosovare. Viktima nuk ka pranuar të shkoj në strehimore. Me vendim të prokurorit, i dyshuari është dërguar në mbajtje.
