Zëdhënësi i Partisë Demokratike të Kosovës (PDK), Avni Bytyci ka reaguar pas eskalimit të situatës në seancën e sotme të Kuvendit.
Në një postim në Facebook, Bytyci ka thënë se që nga udhëheqja e Kuvendit nga Vjosa Osmani/Lëvizja Vetëvendosje ka degraduar.“Kuvendi i Republikës së Kosovës që nga udhëheqja e znj. Vjosa Osmani/Lëvizja Vetëvendosje, ka degraduar deri në atë masë sa që është shndërruar në instrument të tyre politik. Aty ka agjenda personale, por, jo shtetërore”, ka shkruar ai.
Postimi i plotë:
Kuvendi i Republikës së Kosovës që nga udhëheqja e znj. Vjosa Osmani/Lëvizja Vetëvendosje, ka degraduar deri në atë masë sa që është shndërruar në instrument të tyre politik. Aty ka agjenda personale, por, jo shtetërore.
Aty nuk kalojnë më ligje, as debate të nivelit parlamentar, nuk dëgjon më askush. Fyerje, etiketime dhe sulme personale. Edhe sot, në vend që të debatohet për personat e zhdukur dhe përgjigjen e duhur politike ndaj kësaj plage e dhimbje të madhe për popullin tonë, partitë parlamentare LVV dhe LDK, paskan vendosur që t’i qërojnë hesapet fizikisht.