Rekomandimet e propozuara që kanë dalë nga debati parlamentar për menaxhimin e pandemisë vetëm 21 deputet kanë votuar pro, asnjë kundër dhe asnjë abstenim përkundër që 71 deputetë ishin prezent.
Përderisa Grupi Parlamentar i PDK-së nga Bekim Haxhiu ka propozuar rezolutë për pandeminë me gjashtë rekomandime. Kjo rezolutë nuk është hedhur në votim, pasi për këtë çështje kryetarja e Kuvendit Vjosa Osmani ka thënë se është proceduar në Komision për Shëndetësi, e cila kërkoi të trajtohet me urgjencë për ta votuar këtë projektligj në kuvend.
Deputeti Haxhiu gjatë leximit të rekomandimeve ka thënë se me këtë rezolutë autorizohet Komsioni Parlamentar për Shëndetësi dhe Mirëqenie Sociale që në afatin më të shpejtë kohor të sjellë për miratim në Kuvendin e Kosovës Ligjin Anti-Covid-19.
Në rekomandimin e dytë kërkohet urgjentisht që Qeveria e Kosovës me vendim të veçantë të rrisë pagat e profesionistëve shëndetësorë, ashtu siç ishte planifikuar me Projektligjin e Pagave, duke përfshirë edhe rritjen sipas kërkesave të infermierëve. Po ashtu, ky vendim duhet të përfshijë të gjithë zyrtarët shtetërorë që po përballen çdo ditë me menaxhimin e pandemisë COVID-19.
Po ashtu në rekomandimin e tretë Ministria e Shëndetësisë të mundësojë punësimin edhe të 1500 profesionistëve shëndetësor, me qëllim të përballjes me pandeminë COVID-19.
Haxhiu: Kërkojmë urgjentisht nga qeveria të rrisë pagat e profesionistëve shëndetësor
“Pas debatit që kemi mbajtur për menaxhimin e pandemisë dhe situatën me pandeminë Covid-19, Partia demokratike e Kosovës ka listuar 6 rekomandime të cilat obligohet q ëmë pastaj qeveria e Kosovës. 1. Autorizohet Komisioni parlamentar për shëndetësi dhe Mirëqenie sociale që në afate më të shpejt kohor të sjellë për miratim në kuvend ligjin anti Covid-19. Kjo pikë është edhe në frymën e vendimit të Kryesisë së Kuvendit që Komisioni parlamentar për shëndetësi ta trajtoj këtë çështje me urgjencë. E dyta, kërkojmë urgjentisht që qeveria Kosovës me vendim të veçantë të rrisë pagat e profesionistëve shëndetësor ashtu siç ishte planifikuar në projektligjin e pagave duke përshirë edhe rritjen sipas kërkesave të infermierëve”, tha ai.
Në rekomandimin e katërt po ashtu thuhet që sa më shpejtë, të bëhet decentralizimi i testimeve dhe i trajtimit për COVID-19, duke mbështetur komunat në menaxhim të situatës me plan konkret dhe sipas nevojës te angazhohen edhe spitalet private në menaxhim të situatës, duke bërë mobilizim të të gjitha kapaciteteve njerëzore dhe pajisjeve të nevojshme mjekësore.
Në rekomandimin e pestë të licencohen laboratorë nga sektori privat për të bërë testet për COVID-19, me mbikëqyrje strikte shtetërore, duke i obliguar që të raportojnë rezultatet në baza ditore në IKSHPK dhe MSH./KP/
Dhe në rekomandimin e gjashtë Autorizohet IKSHPK që të koordinojë veprimet me organet përgjegjëse në nivel lokal dhe në nivel qendror, për t’u siguruar se të prekurit nga COVID-19 nuk i shkelin kriteret e izolimit dhe masat mbrojtëse.
