Me fluturime për në Suedi dhe Gjermani, aeroporti në Shkup u hap përsëri.
Kontrollet e rrepta janë akoma në hyrje të aeroportit, të afërmit dhe miqtë që mirëpresin mysafirë nga jashtë nuk guxojnë të jenë në ndërtesë, dhe ata që do të udhëtojnë duhet të arrijnë tre orë para fluturimit të planifikuar. Dezinfektuesit janë afër derës së parë, pastaj ka një kamerë që kontrollon temperaturën e pasagjerëve, dhe nëse dikush është i dyshimt, e dërgojnë në një dhomë të veçantë në aeroport.
Por, udhëtimi me një pasaportë të Maqedonisë nuk lejohet tani për tani. Për të hipur në aeroplan, ju duhet një pasaportë nga një shtet anëtar i BE-së, nga zona shengen, ose një dokument që garanton që personi punon ose jeton në një nga vendet e Evropës Perëndimore.
Jo vetëm për pasagjerët që largohen nga vendi, kontrollet e aeroportit janë gjithashtu të rrepta edhe për hyrjen në Maqedoni.
“Pasagjerët e parë që mbërritën në aeroportin e Shkupit këtë mëngjes ishin pasagjerë nga Stambolli, ata ishin gjithashtu pasagjerët e parë që arritën në këtë aeroport pas një pauzë tre-mujore”.
Pasi udhëtarët kaluan të gjitha kontrollet, pati një pritje emocionale nga të dashurit e tyre, lotët nuk munguan.
Përndryshe, sot nga nga aeroporti i Shkupit do të realizohen 28 fluturime me 1700 pasagjerë./alsat
