Nga data 13 mars, kur u shënuan rastet e para me koronavirus në Kosovë e deri më sot, janë regjistruar gjithsej 1 mijë e 64 raste.
Pas më shumë se dy muaj, Kosova ka edhe 205 raste aktive.
Sipas Institutit Kombëtar të Shëndetit Publik, nga data 08 shkurt deri më 29 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 14.635 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.064 raste, me gjithsej 30 raste të vdekjes të cilët kanë pasur sëmundje të tjera shoqëruese.
Derisa numri i përgjithshëm i të shëruarve deri më sot është gjithsej 829 raste.
IKSHPK ka konfirmuar mbrëmë edhe 12 raste të reja me koronavirus dhe 9 persona të shëruar.
Rastet pozitivie ishin raste kontakti nga: komuna e Vushtrrisë 6 raste (sipas vendbanimit: 6 raste Stanovc) dhe komuna e Prizrenit 5 raste (sipas vendbanimit: 5 raste Gërnçar) dhe 1 rast me vendbanim në Mirushë, Malishevë.
