×
  • Lajme
  • Lajme

    Parashikimi afatgjatë i motit: Rreshje të shiut deri në fund të muajit korrik

    FrontOnline
    18 Qershor 2020

    Mot i freskët dhe i paqëndrueshëm që po mbretëron këtë muajin e parë të verës meteorologjike, si dhe të reshurat e shpeshta, duket se do të na përcjellin edhe përgjatë javëve në vijim. Kjo sipas tendencave të Qendrës Europiane për Parashikime Afatmesme, shkruan Prishtina Weather.

    Sipas Prishtina Weather, anomali pozitive për të reshura parashihet të ketë deri nga mesi i muajit korrik, derisa temperaturat do të qëndrojnë në vlera më të ulëta nga vlerat mesatare. Tek nga mesi i korrikut mund të ketë mot më stabil, me më pak reshje, derisa temperaturat mbeten rreth vlerave mesatare.

    Më poshtë po japim tendencat e motit për çdo javë në vijim si dhe paraqitjet grafike të anomalive të temperaturave dhe të të reshurave.

    22.06-28.06.2020 – edhe në javën e fundit të muajit qershor do të vazhdojë të mbajë mot më i freskët me temperatura për 1C deri 2C më të ulëta. Parashihet të ketë më shumë të reshura.

    29.06-5.07.2020 – Temperaturat do të shënojnë një rritje më afër vlerave mesatare, ndërsa të reshurat do të vazhdojnë të mbesin në trende pozitive në krahasim me vlerat mesatare.

    6.07-12.07.2020 – java e dytë e muajit korrik do të sjellë sërish mot më të freskët, me temperatura mesatare për 1C deri 1.5 më të ulëta, derisa edhe të reshura parashihet të ketë për 5 mm më shumë nga vlerat mesatare

    13.07.2020 – 19.07.2020 – Temperaturat mbeten të ulëta për këtë periudhë kohore, derisa parashihet të ketë më pak të reshura.

    20.07.2020-26.07.2020 – Temperaturat do të luhaten përreth vlerave mesatare, megjithëse në rajon pritet një rritje prej 1 deri 1.5C, kështuqë kjo javë ka gjasa të jetë më e nxehtë, ndërsa të reshurat do të jenë më të pakta.

    Këto janë parashikimet për javët e ardhshme, devijimet nga vlerat mesatare për shtatë ditët e javës, e jo nga temperaturat maksimale apo minimale ditore, të cilat mund të jenë të ndryshme, e pasiqë jemi duke iu afruar muajve më të nxehtë të vitit, maksimalet ditore mund të rriten edhe mbi 30C. Ky lloj parashikimi mund të merret për bazë vetëm për trendin momental të temperaturave dhe të reshurave, nuk mund të merret si i saktë me përqindje të lartë.

    Qendra Europiane për Parashikime Afatmesme (ECMËF), çdo javë përpunon parashikime të tilla, duke u bazuar në trendet e elementeve të ndryshme meteorologjike dhe atmosferike, e me ndihmën e superkompjuterëve mundohen të japin një tendencë të motit për javët në vijim, si dhe për muajt e ardhshëm.

    Nga Rubrika
    Lajme03 Prill 2025
    Nënkryetari i LDK-së, Lutfi Haziri, tha se partia është e gatshme të shqyrtojë pjesëmarrjen në takimet e paralajmëruara, por nuk e konsideron...
    Lajme03 Prill 2025
    Të premten parashikohet mot kryesisht i vranët, me reshje lokale shiu herë pas here, të cilat në disa momente pritet të jenë...
    Lajme03 Prill 2025
    Në rast se Albin Kurti, në mungesë të numrave dështon ta krijojë Qeverinë e re të Kosovës, një mundësi tjetër po konsiderohet...
    Të tjera
    Lajme03 Prill 2025
    Këshilltari për media i Presidentes së Kosovës, Vjosa Osmani, Bekim Kupina, i është kundërpërgjigjur ministrit në detyrë të Financave, Hekuran Murati, pas...
    Lajme03 Prill 2025
    Ministrja në detyrë e Ekonomisë, Artane Rizvanolli, ka deklaruar sonte në emisionin CONTEXT të ATV-së se disa prej konsumatorëve shpenzojnë deri në...
    Lajme03 Prill 2025
    Hekuran Murati, Ministër në largim i Financave, e ka akuzuar dhe arsyetuar për publicitet atë çka bëri Presidentja e Kosaovës, Vjosa Osmani,...
    Lajme03 Prill 2025
    Kongresmeni republikan Carlos A.Gimenez e ka falënderuar presidenten Vjosa Osmani pas kërkesës që ajo i bëri sot qeverisë së Kosovës për pezullimin...
    Vip03 Prill 2025
    E ftuar në emisionin Fiks Fare, Xheneta Fetahu ka bërë disa deklarata që kanë tërhequr vëmendjen e publikut, duke zbuluar të pathëna...
    Lajme03 Prill 2025
    Duda Balje – deputete dhe kryetare e Unionit Socialdemokrat (SDU) ka treguar përvojën e saj në takim me kreun e ekzekutivit, Albin...

    FrontOnline, © 2025 Të gjitha të drejtat e rezervuara.