×
  • Lajme
  • Lajme

    Paralajmëron deputeti i LDK-së: Nëse shkohet me PDK-në, duhet përjashtuar kushdo qoftë ai, përfshirë edhe kryetarin Mustafa

    FrontOnline
    20 Korrik 2020

    Deputeti i Lidhjes Demokratike të Kosovës, Haxhi Avdyli ka paralajmëruar sanksionim të atyre që do të lejonin të ndodhë ndonjë koalicion i mundshëm me PDK-në/

    Avdyli duke komentuar raportimet e mediave se nëse Presidentit Thaçi i konfirmohet aktakuza, atëherë PDK mund t’i bashkohet LDK-së në Qeveri, tha se kjo nënkupton shkelje e vendimeve të Këshillit të Përgjithshëm.

    Avdyli për Gazeta Blic tha se nëse shkelen këto vendime të KP-së së LDK, për vija të kuqe me PDK, duhet sanksionuar kushdo që e lejon një gjë të tillë, përfshirë Isa Mustafën.

    “Në bazë të gjitha vendimeve të Këshillit të Përgjithshëm, LDK ka vija të kuqe për koalicion me PDK. Nëse dikush mendon të lidh këtë koalicion duke shkelur vendimet e KP atëherë sikur në të kaluarën duhet sanksionuar me përjashtim kushdo qoftë ai kryetar apo funksion tjetër”, tha ai.

    Sipas tij, edhe ndërrimi i tanishëm i vendimit të Këshillit të Përgjithshëm do ishte anakronik sepse votat janë marrë qe asesi nuk do bëhet koalicion me PDK-në.Avdyli konsideron se politikisht korrekte do ishte nëse mirret vendim që të largohet vijat e kuqe për të gjitha partitë e të shkohet në zgjedhje pa vija të kuqe.

    “Çdo keqpërdorim i besimit të qytetarëve gjatë rrugës duke premtuar diçka tjetër e duke vepruar diçka tjetër është manipulimi më i madh i besimit të tyre”, tha ai.Pastaj, shton Avdyli mbeten vetëm dy mundësi ose shkarkimi i manipulatorëve të vullnetit të votuesve, bazuar edhe në vendimet e Këshillit të Përgjithsëm ose të shkelet me dy këmbët vullneti i organeve të partisë dhe te votuesit tonë deri në zgjedhjet e reja kur ky qytetar zor që do ua fal edhe njëherë këtë manipulim të besimit të tyre.

    “Prandaj, vendimet e partisë nuk duhet të shkelen nga askush ose nëse shkelen duhet dënuar secilin që i shkel ato, e jo të veprohet në mënyrë selektive sipas intereseve të disa grupeve”, tha ai për Blic.Gazeta Blic ditë më parë raportoi se po diskutohet mundësia e hyrjes së PDK-së në Qeverinë me LDK-në, AAK-në e Nismën.

    Burime te Gazeta Blic thonë se nëse konfirmohet aktakuza ndaj presidentit Thaçi, atëherë kryetarit të AAK-së, Ramush Haradinajt mund t’i ofrohet posti i presidentit.

    Në atë situatë, PDK do të futet në qeveri, ku do ta marrë postin e zëvendeskryeminstrit të parë.

    Për këtë post, po përmendet emri i Enver Hoxhajt, i cili do të jetë bashkëkryesues i bisedimeve së bashku me kryeministrit Avdullah Hoti.Ne këtë rast, sipas burimeve të Gazeta Blic, PDK pos zëvendëskryeministrit të parë do t’i marrë të paktën edhe 5 ministri, ku secila nga tri partitë LDK, AAK e Nisma do të heqin dorë nga disa ministri.

    Ditë më parë, edhe vetë kryetari i AAK-së, Ramush Haradinaj, në Debat Plus, kishte folur për mundësinë që në qeverinë Hoti, të përfshihet edhe Partia Demokratike e Kosovës.Kishte thënë se nëse konfirmohen aktakuzat ndaj Thaçit dhe Veselit dhe nëse PDK dëshiron ta japë kontributin e saj, atëherë mund të ketë bashkëpunim mes tyre, shkruan Gazeta Blic.

    “Jetëgjatësia e kësaj qeveria varet edhe nga mandati i presidentit. Nëse ka befasi dhe konfirmohen aktakuzat neve na duhet kuorumi për ta zgjedhur presidentin. Një qeveri më e madhe me më shumë votë shqiptare është në interes të Kosovës.

    Nëse PDK dëshiron të japë kontributin e vet mund të bashkëpunojmë”.I pari i AAK-së thotë se çështja e presidentit ndikon direkt në formulat e ardhshme qeverisëse.“Nuk është lehtë të bëhen 2/3 e kuorumit. Nuk besoj se në këtë kohë krizash duhet të mbyllen dyert edhe për Vetëvendosjen. Duhet të gjendet një formulë për qeveri gjithë nacionale.

    Edhe dialogu është shumë i rëndësishme”, tha ndër të tjera Ramush Haradinaj.Në anën tjetër, presidenti Thaçi, të premtën në mbrëmje do të arrijë në Kosovë.Ai për katër ditë rresht, është intervistuar nga ana e Prokurorit të Specializuar, pranë Gjykatës Speciale.

    Të enjtën në mbrëmje, teksa e përfundoi intervistimin katër ditor, presidenti Thaçi deklaroi, se nëse Gjykata Speciale punon me drejtësi, atëherë ai është i pafajshëm, duke shtuar se kurrë në jetën e tij nuk e ka kryer asnjë krim.

    Nga Rubrika
    Lajme16 Mars 2025
    Kryetari i Partisë Demokratike të Kosovës, Memli Krasniqi ka shprehur ngushëllime pas ndarjes nga jeta të Haxhi Thaçit, babait të Presidentit Hashim...
    Lajme16 Mars 2025
    Ka ndërrua jetë Haxhi Thaçi, babai i ish-presidentit të Kosovës Hashim Thaçi. Për vdekjen e tij ka shprehur ngushëllime edhe Behgjet Pacolli,...
    Lajme16 Mars 2025
    Nacionale merr vesh nga burime brenda QKUK-së se ka ndërruar jetë Haxhi Thaçi, babai i Hashim Thaçit, i cili ishte i shtruar...
    Të tjera
    Sport16 Mars 2025
    Stacionimi i forcave paqeruajtëse në Ukrainë, siç është propozuar nga Britania dhe Franca, në rast të arritjes së ndonjë armëpushimi me Rusinë,...
    Bota/Rajoni16 Mars 2025
    Prokurori publik i shtetit Ljupço Kocevski theksoi se prokurorët publikë sot kanë inspektuar diskotekën “Puls” në Koçan dhe janë konstatuar shumë parregullsi....
    Sport16 Mars 2025
    Hendbollistët U 18-të të Kosovës e kanë arritur një sukses historik. Ata janë kualifikuar në Kampionatin Botëror “Egjipti 2025”. “Dardanët” e mposhtën...
    Bota/Rajoni16 Mars 2025
    Vatikani ka publikuar fotografinë e parë të Papa Françeskut që nga shtrimi i tij në spital. Fotoja tregon 88-vjeçarin të ulur në...
    Bota/Rajoni16 Mars 2025
    Shumë qytetarë janë mbledhur në qendërn e Shtipit, duke bërë kështu homazhe për 59 personat që humbën jetën në diskotekën e cila...
    Bota/Rajoni16 Mars 2025
    Familjarët vazhdojnë të qëndrojnë në oborrin e Spitalit në Koçan dhe tani gjendja është më e qetësuar se më herët, pasi që,...
    -->

    FrontOnline, © 2025 Të gjitha të drejtat e rezervuara.