×
  • Lajme
  • Lajme

    Osmani – Qeverisë: Urgjentisht silleni për miratim në Kuvend Ligjin për parandalimin e COVID-19

    FrontOnline
    04 Korrik 2020

    Kryeparlamentarja Vjosa Osmani ka ngushëlluar familjarët e 6 personave që humbën jetën si pasojë e koronavirusit sot në Kosovë përmes një postimi në Facebook.

    Në të njëjtin postim, Osmani i kërkoi Qeverisë që urgjentisht ta sjellë për miratim në Kuvend, Ligjin për Parandalimin dhe Luftimin e Pandemisë Covid-19.

    Kjo për shkak se ky ligj, sipas saj, mundëson mes tjerash, të ndërmerren masa strikte për parandalimin e pandemisë, shkruan Front Online.

    Postimi i saj i plotë:

    Sot ishte ditë e rëndë për Kosovën. Humbëm gjashtë jetë njerëzish nga virusi Covid-19. Jetët, edhe kur shtrëngohemi t’i përmbledhim në numra, nuk janë numra, sepse prapa secilës jetë, prapa secilës humbje, qëndron një histori njerëzore, qëndron dhimbja e prindërve për fëmijët e tyre ose e fëmijëve për prindërit dhe në fund dëshpërimi për humbjen e madhe.

    Ngushëllime familjeve që humbën më të dashurit e tyre. Ndaj dhimbjen me secilën familje të prekur dhe lutem që të sëmurët nga virusi të shërohen sa më parë. Bëj thirrje edhe një herë që mbrojtja e të drejtës në jetë të vendoset prioritet mbi prioritetet, sepse as ekonomia e as fushat e tjera nuk do të mbijetojnë nëse nuk sigurojmë shëndetin e popullatës sonë. Qeveria duhet mos ta mbajë më peng Ligjin për Parandalimin dhe Luftimin e Pandemisë Covid-19, të cilin e kemi inicuar dhe hartuar në Kuvend qysh në prill, por ta sjellë urgjentisht në mënyrë që të mund ta amandamentojmë dhe pastaj miratojmë. Ky ligj është posaqërisht i nevojshëm për t’i dhënë kompetenca shtesë organeve ligj-zbatuese në mënyrë që të ndërmerren masa strikte për parandalimin e pandemisë.

    Ky virus vret. Mos u besoni atyre që thonë se nuk ekziston. Mos u besoni as atyre që e minimizojnë rrezikun. Prandaj të kujdesemi secili për veten e familjet tona duke mbajtur maska, distancë e higjienë.

    Nga Rubrika
    Lajme18 Mars 2025
    Fundi i mandatit për ministren e Industrisë, Ndërmarrësisë dhe Tregtisë, Rozeta Hajdari, po përcillet edhe me një gjobë nga Agjencia për Informim...
    Lajme18 Mars 2025
    Sot është varrosur Haxhi Thaçi, babai i ish-presidentit Hashim Thaçi. Djali i ish-presidentit, Endrit Thaçi sapo ka njoftuar se e pamja për...
    Lajme18 Mars 2025
    Ushtruesi i Detyrës së Kryeprokurorit të Shtetit, Besim Kelmendi, ka pritur në takim Drejtuesin e Sektorit për prokurorët Ndërlidhës në Ambasadën Britanike...
    Të tjera
    Lajme18 Mars 2025
    Nënkryetarja e LDK’së Doarsa Kica-Xhelili, e ka mbështetur kryetarin e këtij subjekti politik, Lumir Abdixhiku, sikurse nënkryetarët e tjerë, në mesin e kritikave...
    Lajme18 Mars 2025
    Sot është mbajtur ceremonia e varrimit të Haxhi Thaçit, babait të ish-Presidentit të Kosovës, Hashim Thaçi. Në media u raportua se asnjë...
    Bota/Rajoni18 Mars 2025
    Një grup i deputetëve të Parlamentit Evropian i kanë bërë thirrje shefes së Bashkimit Evropian të ndërmarrë hapa të menjëhershëm për të...
    Bota/Rajoni18 Mars 2025
    Pas tragjedisë në Koçan të Maqedonisë, ku humbën jetën 59 persona, janë intensifikuar kontrollet në klubet e natës në Tiranë për masat...
    Bota/Rajoni18 Mars 2025
    Kryeministri i Shqipërisë, Edi Rama i shoqëruar nga zv.kryeministrja Belinda Balluku dhe kreu i bashkisë Berat Ervin Demo ishte prezentë në rrugën...
    Lajme18 Mars 2025
    Sibel Halimi nga Lidhja Demokratike e Kosovës (LDK), i ka dalë në mbrojtje Lumir Abdixhikut, pasi ky i fundit u kontestua nga...
    -->

    FrontOnline, © 2025 Të gjitha të drejtat e rezervuara.