Diskutimet e Lidhjes Demokratike të Kosovës dhe Lëvizjes Vetëvendosje, zgjatën me muaj derisa arritën marrëveshjen për koalicion, e gjatë kësaj kohe duket se anëtarë të kësaj partie po bisedonin edhe me parti të tjera për një tjetër koalicion që nuk ndodhi në atë kohë, shkruan Front Online.
Kështu ka bërë të ditur kryetarja e Kuvendit, Vjosa Osmani, duke treguar se ai person ishte ish-zëvendës kryeministri Avdullah Hoti.
Ajo po ashtu ka thënë se për këtë gjë e kishte njoftuar edhe kryetarin e partisë, mirë po sipas Osmanit, ai nuk kishte besuar.
” Avdullah Hoti ka qenë në bisedime me AAK-në e Nisma-n në dhjetor-janar, atëherë kur LDK e VV negocionin për koalicionin. Dikush prej deputetëve të LDK-së më ka treguar, më pastaj kam biseduar me z.Mustafa i kam treguar, por ai më ka thënë që nuk beson se është duke ndodhur ajo, por ja që ndodhi. Në plan ka qenë rrëzimi i qeverisë Kurti”, deklaroi Osmani./Front Online/
Osmani shprehet e bindur që me Vetëvendosjen do t’i fitonte zgjedhjet
