Lajme

Osmani shprehet e bindur që me Vetëvendosjen do t’i fitonte zgjedhjet

Osmani shprehet e bindur që me Vetëvendosjen do t’i fitonte zgjedhjet
21:28 | 08 Shtator 2020

Nënkryetari i Lëvizjes Vetëvendosje, Glauk Konjufca, në një konferencë për media sot është shprehur se kryetarja e Kuvendit të Kosovës, Vjosa Osmani e ka dorën e shtrirë për të bashkëpunuar me Lëvizjen Vetëvendosje, raporton Front Online.

Konjufca ka thënë se bashkëpunimi me Osmanin është çelësi i një fitore, që sipas tij, do të vie shumë shpejtë.

Ndërsa një gjë të tillë e ka pohuar edhe Osmani.

Ajo në Prime Time në Kanal10 u shpreh se është e bindur që një gjë e tillë do të ndodhte, duke nënkuptuar po ashtu, që dallimi mes Lëvizjes Vetëvendosje dhe Lidhjes Demokratike të Kosovës në zgjedhje është i thellë.

Osmani u shpreh se ende nuk ka konkretizuar bashkëpunimin me Vetëvendosjen dhe se për momentin është pa parti.

“LDK-ja ku jam rritur ma ka mbyllur çdo derë. Unë për momentin jam pa parti. Koalicioni me Vetëvendosjen ishte vullnet i qytetarëve. Jam e bindur që tashmë gjërat janë shumë të qarta”, shtoi ajo./Front Online/

 

“Petrol Company” në natën e “Kurban Bajramit” e bën me shtëpi të re familjen nga Skenderaj

Të tjera