×
  • Lajme
  • Lajme

    Opozita i thotë “jo” ftesës së Hotit për bashkërendim të qëndrimeve për dialogun

    FrontOnline
    17 Qershor 2020

    Kryeministri i Kosovës, Avdullah Hoti, ka ftuar liderët partiakë të vendit në një takim nesër, nga ora 11:00, për të bashkërenduar qëndrimet e spektrit politik në vend për dialogun, para vizitës së planifikuar më 27 qershor në Shtëpinë e Bardhë në Uashington, raporton Front Online.

    “Me qëllim të bashkërendimit të qëndrimeve të spektrit politik të vendit, në procesin e dialogut me Serbinë, si dhe në vigjilje të vizitës në Uashington, i ftova liderët partiakë për një takim të përbashkët të Forumit të liderëve, i cili do të mbahet nesër në orën 11:00 në Zyrën e Kryeministrit”, shkroi Hoti në Facebook.

    Po kësaj ftese nuk i janë përgjigjur pozitivisht partitë opozitare të vendit.

    Ish-zëvendëskryeministri Haki Abazi, ka thënë për Front Online, se kjo ftesë e bërë nga një Qeveri “ilegale”, siç e ka quajtur ai, është fyerje për elektoratin dhe sistemin demokratik të vendit.

    “Unë si një ish-zëvendëskryeministër i Qeverisë legjitime mendoj që thirrja prej një kryeministri kukull të Hashim Thaçit, të një Qeverie ilegale, e formuar në 1 ose në ora 2 të mëngjesit është ofendim për elektoratin dhe për sistemin demokratik të Kosovës”, ka thënë ai.

    Ndërsa për sa i përket pjesëmarrjes së liderit të VV-së, Albin Kurti, në këtë takim, Abazi pohoi se nuk ka informacione.

    “Se a do të marrë pjesë Kryeministri Kurti në këtë forum nuk e di”, ka thënë Abazi për Front Online.

    Kësaj ftese nuk do t`i përgjigjet as Partia Demokratike e Kosovës. Në një reagim për media kjo parti, e ka cilësuar jo serioze ftesën nga Kryeministri Avdullah Hoti, raporton tutje Front Online.

    “Qasja e Kryeministrit Avdullah Hoti, duke dërguar fillimisht ftesa nga rrjetet sociale dhe studiot televizive, nuk është serioze. Kjo është vazhdimësi e ish Qeverisë Kurti. Ftesa e dërguar nga Kryeministri Hoti, në mënyrën si është bërë, pa konsultim paraprak, është veprim i qëllimshëm i dështimit të takimit të nesërm”, thuhet në reagimin e lëshuar nga kjo parti.

    Ndër të tjera nga kjo parti, është vlerësuar se Qeveria “Hoti”, është duke e dëmtuar frymën e bashkëpunimit për dialogun.

    “Kosova ka ndërtuar një traditë të mirë të koordinimit dhe bashkërendimit të veprimeve për çështje të rëndësishme nacionale. Por, sjellja e Kryeministrit Hoti është kundër këtij principi dhe nuk e ndihmon, por e dëmton, frymën e bashkëpunimit për një temë të rëndësishme siç është Dialogu. Urojmë që ky Kryeministër do të reflektojë para një ftese tjetër dhe do të jetë më serioz”, thuhet ndër të tjera aty.

    Në ndërkohë gjatë ditës, partitë që janë në koalicion me LDK-në, si AAK-ja dhe Nisma, kanë pohuar se do t`i përgjigjen pozitivisht ftesës së Hotit. Në takim pritet të marr pjesë edhe AAK-ja./Front Online/

    8 Marsi në Park Hotel & Spa – Që t’i të ndjehesh si Mbretëreshë ….
    Nga Rubrika
    Lajme28 Maj 2024
    Analisti politik, Artan Muhaxhiri, për FrontOnline thotë se puna dhe se si e kanë marrë pushtetin kryetarët në komunat veriore, ka qenë...
    Lajme28 Maj 2024
    Deputetja e AAK-së¸Time Kadrijaj, për FrontOnline thotë se nuk ka ndonjë raport që vlerëson punën e katër kryetarëve të komunave veriore. ‘’Nuk...
    Lajme28 Maj 2024
    Faton Klinaku, ushtruesi i detyrës së kryetarit të OVL e UÇK-së, ka thënë se Prokuroria e Speciales ka marrë para nga Rusia...
    Të tjera
    Lajme27 Maj 2024
    Ramush Haradianj, kryetar i Aleancës për Ardhmërinë e Kosovës (AAK), ka pretenduar të hënën se kryeministri i Kosovës Albin Kurti “është i...
    Lajme27 Maj 2024
    Raportuesja për Kosovën në Parlamentin Evropian, Viola Von Cramon, ka thënë se nuk do të këtë përparim të Kosovës dhe Serbisë drejtë...
    Lajme27 Maj 2024
    Kryeministri i Kosovës, Albin Kurti, ka përkujtuar në përvjetorin e vdekjes së saj, nënën Pashkë. Kurti ka thënë se bijtë e saj,...
    Sport27 Maj 2024
    Jadon Sancho i dërgoi një mesazh ish-bashkëlojtarit Jude Bellingham pasi u konfirmua se Real Madridi do të përballet me Borussia Dortmundin në...
    Lajme27 Maj 2024
    Në Shtetet e Bashkuara të Amerikës është shënuar “Dita e Përkujtimeve”. Qëllimi kryesor i kësaj feste është të nderojë dhe të kujtojë...
    Lajme27 Maj 2024
    Kryeministri i Republikës së Kosovës, Albin Kurti, mori pjesë në pritjen e organizuar nga Asociacioni i Malit të Zi me rastin e...

    FrontOnline, © 2024 Të gjitha të drejtat e rezervuara.