Mbrëmë në Ferizaj u konfirmuan edhe 17 raste të reja me koronavirus, ku gjithsej janë 116 raste aktive.
Komuna përmes një postimi në Facebook, ka bërë të ditur se janë shëruar edhe 3 persona nga Coronavirusi, duke e çuar në 141 numrin e të shëruarve.
“Nga njoftimi i IKSHPK-së lidhur me rastet e reja me COVID-19, bëhet e ditur se kemi edhe 17 raste të reja pozitive me këtë virus në Ferizaj që çon në 116 numrin e rasteve aktive dhe 3 të shëruar që çon në 141 numrin e të shëruarve. Shërim të shpejt të infektuarve”, thuhet në njoftimin e komunës.
Vetëm dje në Kosovë janë shënuar numër rekord i rasteve me COVID-19, ku u konfirmuan 195 raste të reja.
