×
  • Lajme
  • Lajme

    Ngritja e çmimeve në prag të Bajramit, qytetarët: Institucionet përgjegjëse në “gjumë”

    FrontOnline
    25 Prill 2022

    Ndonëse jemi afër festës së Fiter Bajramit, qytetarët nuk kanë vërejtur lirime të artikujve bazë ushqimor. Ata ankohen se krahas ngritjes së çmimeve nuk po ka as reflektim nga ana e inspektoriatit.

    Disa të intervistuar thonë se shtrenjtimi i produkteve në Kosovë është i zakonshëm sidomos në prag të festave, e disa të tjerë e konsiderojnë si normale për shkak të krizave globale.

    Ali Krasniqi tha se çdo vit në prag të festës së Bajramit ka hetuar ngritje të çmimeve të produkteve.

    Sipas tij institucionet përkatëse për mbrojtjen e konsumatorit janë në gjumë.

    “Unë kam hetu vazhdimisht sikur çdo vjet, edhe sivjet edhe vitet e ardhshme, kush ka ymër e shëndet me i prit se di të ketë ngritje të çmimeve të vazhdueshme sidomos në prag të festave tona fetare islame. Atë e bëjnë vëllezërit tanë mysliman, në vend se me i zvogëlua duke e ditë gjendjen ekonomike, shtrenjtimin ata e bëjnë të kundërtën, na i ngritin e i rritin. Mirëpo ne jemi mësuar me ta e dimë, nuk kemi çka me bë. Qeveria nuk merr kurrfarë masa. Inspektorati asgjë, ajo shoqata që e bënë verifikimin e kontrollimin e çmimeve për konsumatorë ata janë në gjumë, e dikund zgjohen pas festës se me dashtë me punu ish bë diçka. Nuk ka kontroll kurrkund”, tha ai.

    Edhe Ramadan Prebreza tha se për festën e Bajramit ka vërejtur vetëm shtrenjtim.

    “Po kjo te na nuk ka ndodh kurrë të lirohen çmimet për kurrfarë feste, një ashtu edhe për Bajaram kam vërejt vetëm shtrenjtim”, tha shkurt ai.

    E Nuri Nushi thotë se në Kosovë vërehet ngritja e çmimeve për shkak se niveli i të ardhurave është më i ulët. Ai e konsideron si normale ngritjen e disa artikujve bazë.

    “Me të tregu të drejtën unë kam ardhë pardje se nuk kam qenë këtu që 6 muaj, te vajzat kam qenë jashtë. Sipas asaj qysh jam dëgjuar me disa shokë, e bëjnë kiamet punën. Kjo krizë globale e ka fshi botën e le Kosovën. E di që është keq se këtu niveli i të ardhurave është shumë i ulët prandaj është më e ndjeshme se sa në viset tjera, kështu që krejt normal”, tha ai.

    Ngritja e çmimeve nuk është fort problem edhe për Izjah Avdyli. Ai e konsideron si problem të vogël këtë çështje.

    “Hala s’kam marr asgjë harç për Bajram, kështu që unë jetoj vetë i dyti, tjerët janë jashtë. Kështu që shumë pak shpenzojmë ne po nuk kam vrenjt asgjë arsyeja se nuk kam marrë njëherë për njëherë. Buka është qashtu 50-60, disa cikërrime qaq edhe nuk i vërej qaq. Nuk jam cikërrimtar ke sa ke”, tha ai.

    E një qytetare tjetër për EO tha se ka vërejtur zbritje vetëm te disa ëmbëlsira e keksë, ndërsa te vaji e te produktet e tjera jo.

    “Po varet, në disa minimarkete ka edhe ngritje edhe zbritje, varet te këta artikujt të cilët janë kryesorët. Ka edhe zbritje në përjashtim të vajit, se tjerat po ëmbëlsirat, keksët po kurse të tjerat jo. Është një gjë e zakontë në Kosovë”, tha ajo.

    Punimet në rrjet, KEDS njofton se në këto vende s’do të ketë rrymë
    Nga Rubrika
    Ekonomi18 Qershor 2024
    5. 5 milionë euro janë investuar në Klinikën e Gjinekologjisë në Qendrën Klinike Universitare të Kosovës. Prej tyre, mbi 3 milionë euro...
    Lajme18 Qershor 2024
    Kryeministri i Kosovës nuk i ka komentuar deklaratat e zyrtarëve të Bashkimit Evropian, të cilët i kanë quajtur spekulime, lajmet se do...
    Lajme18 Qershor 2024
    Administrata Tatimore e Kosovës njofton të gjithë tatimpaguesit të cilët zhvillojnë aktivitet të taksive, se janë të obliguar që të pajisen me...
    Të tjera
    Vip18 Qershor 2024
    Ditën e sotme (18 qershor) aktori i njohur kosovar Vedat Bajrami feston ditëlindjen. Ai mbushi plotë 44 vite jetë ku gjatë karrierës...
    Bota/Rajoni18 Qershor 2024
    Tuneli i Llogarasë është gati. Kryeministri i Shqipërisë, Edi Rama, ka zbuluar se ky tunel do të hapët më 5 korrik. “Tuneli...
    Kronika18 Qershor 2024
    Një person është arrestuar në Pejë, pasi që gjatë kontrollit në veturën e tij janë gjetur dhe konfiskuar një pistoletë Zoraki me...
    Sport18 Qershor 2024
    Në ndeshjen e dytë në “EURO 2024”, Shqipëria do të ndërrojë stadium. Nga “Signal Iduna Park”, kombëtarja shqiptare do të luajë nesër...
    Vip18 Qershor 2024
    Prej disa kohësh, reperja e njohur Loredana Zefi është duke shijuar romancën e saj me futbollistin e talentuar gjerman, Karim Adeyemi. Dyshja...
    Opinione18 Qershor 2024
    Kurti ta mbajë mend mirë këtë mësim. Kështu e përmbledh në një analizë të tij profesori amerikan Alon Ben-Meir mesazhin ndaj Kryeministrit...

    FrontOnline, © 2024 Të gjitha të drejtat e rezervuara.