Qeveria e Kosovës ka mbajtur mbledhjen e radhës ku kanë aprovuar masat kundër COVID-19 të cilat janë propozuar sot nga ana e kryeministrit Hoti në një konferencë për media.
Përveç masave për parandalimin e përhapjes së pandemisë COVID-19, Qeveria e Kosovës ka miratuar edhe vendimin e datës 23 qershor të këtij viti, për plotësimin dhe ndryshimin për rifillimin e fluturimeve në Aeroportin Ndërkombtar të Prishtinës “Adem Jashari”.
Sipas njoftimit të Qeverisë së Kosovës me plotësimet dhe ndryshimet e miratuara fluturimet në Aeroportin Ndërkombëtar të Prishtinës “Adem Jashari” do të organizohen në intervale prej minimum 45 minuta ndërmjet aterimeve.
Mbledhja e Qeverisë së Kosovës është mbajtur në formë elektronike.
