×
  • Lajme
  • Front TV
  • Front TV

    Muçaj: U shkarkova për hakmarrje politike, më larguan nga sistemi për t`i hapur rrugë keqpërdorimit

    FrontOnline
    08 Gusht 2020

    Po bëhen thuajse një muaj qysh kur Komisioni Disiplinor në kuadër të Ministrisë së Tregtisë dhe Industrisë (MTI), e ka larguar nga shërbimi civil drejtorin e Departamentit të Rezervave Shtetërore, Arton Muçajn. Kjo me arsyetimin se i njëjti ka lidhur kontrata jashtëligjshëm pa pëlqimin e ministrit.

    Kështu po pretendon për Front Online edhe ministri i këtij dikasteri qeveritar, Vesel Krasniqi. Ai ka thënë që deri te shkarkimi i Muçajt ka ardhur pas nënshkrimit të jashtëligjshëm të dy kontratave, si dhe zbulimi i vendndodhjes së rezervave shtetërore, gjë që është në kundërshtim me Ligjin.
    Ndryshe nga ministri është deklaruar, tashmë ish-drejtori i Departamentit për Rezervat Shtetërore, Arton Muçaj. Sipas tij, shkarkimi erdhi për dy arsye, përfshirë këtu edhe hakmarrjen
    politike, pasi i njëjti është mik familjar i vëllezërve Haradinaj.

    “Rasti i parë ka qenë ndërhyrja dhe kërkesa e Ministrit për të blerë maska për rezerva shtetërore (duke aluduar që të blejmë nga kompania e tij e maskave që e ka në Malishevë). Rasti tjetër është edhe keqpërdorimi i naftës si rezervë shtetërore duke ditur qe ministri Vesel Krasniqi merret me tregtinë e naftës si dhe ka një pompë benzine në Malishevë. Dhe arsyeja e dytë është hakmarrja politike në mes NISMA-s dhe AAK-se duke ditur që unë jam përkrahës i AAK-së dhe mik familjar i z.Ramush dhe Daut Haradinajt”, ka thënë ai, për Front Online.

    Muçaj për Front Online, foli edhe për nënshkrimin e kontratave për rezerva shtetërore, nga sekretari i përgjithshëm i MTI-së, Burim Rreci, pa dijeninë e tij si drejtor.

    “Sekretari Permanent Burim Rreci ka nënshkruar kontrata për rezerva shtetërore pa dijeninë time si Drejtor si dhe pa dijeninë e stafit të Departamentit të Rezervave Shtetërore, duke e dëmtuar buxhetin e Kosovës. Bëhet fjalë për marrëveshje me kompaninë e dhëndrit të Fatmir Limajt, ku MTI-ja i paguan qira në muaj, mbi 2 mijë euro, apo mbi 25 mijë euro në vit, dhe që konsiderohet shkelje e Ligjit për Rezerva Shtetërore. Tani këto kontrata janë pjesë e hetimeve nga Prokuroria Speciale dhe Krimeve Ekonomike të Policisë që i kam lajmëruar unë”, ka thënë ai.

    Ish-drejtori i rezervës shtetërore, u deklarua edhe për dy kontratat e nënshkruara nga ai, e që nga Ministri Veseli dhe MTI-ja po pretendohet se janë nënshkruar jashtëligjshëm.

    “Unë kam nënshkruar kontratën e parë, në pajtim me Ligjin e Rezervave Shtetërore: Nenin 18 , pika 1.7, 1.8, dhe pika 2.0, si dhe nenin 23 (ku neni 23 thotë se duhet shfrytëzuar marrëveshjet që janë të lidhura me institucionet që financohen nga Buxheti i Shtetit, dhe unë e kam shfrytëzuar atë kontratë që është e lidhur me AQP edhe për furnizim edhe për deponim. Procedurat kanë filluar në fillim të muajit Maj – 2020 dhe kanë përfunduar me datën 4 Qershor 2020), ku edhe kemi nënshkruar marrëveshjen pa implikime financiare pra pagesë për ruajtje. Poashtu ka qenë e informuar ish-ministrja Rozeta Hajdari, pasi ma ka përgatitur zyra ligjore me kërkesën time, dhe më është aprovuar nga zyra e sekretarit. Kjo kontratë ka logon e MEPTINIS”, ka thënë Muçaj, për Front Online.

    Ndërsa për sa i përket kontratës së dytë të nënshkruar, Muçaj tha se është nënshkruar poashtu në bazë të Ligjit për Rezerva Shtetërore dhe se nuk ka implikime financiare.

    “Kontrata e dytë është nënshkruar nga unë poashtu në bazë të Ligjit të Rezervave Shtetërore: Nenin 18 , pika 1.8, dhe pika 2.0. dhe Neni 9 (ruajtja e sekretit shtetëror). Kjo kontratë nuk ka implikime financiare, nuk ka asnjë obligim që merr MTI-ja. Thjeshte është një marrëveshje pa pagesë në mes Departamentit dhe kompanisë për ruajtjen e naftës, i cila nuk ka datë kur i dërgojmë naftën për ruajtje, as sasi dhe as një obligim të MTI-se respektivisht te Departamentit te Rezervave Shtetërore. Është një obligim i kryer i Departamentit duke respektuar edhe Ligjin e Rezervave Shtetërore e edhe direktivën evropiane 2009/119 për të cilën nuk ka njohuri elementare as Ministri Krasniqi as Sekretari Permanent Burim Rreci”, ka thënë ndër të tjera ai. /Front Online/

     

    Zgjerimi i Comoditës në SHBA: “Nap Queen Sleep”, krenaria e shqiptarëve
    Nga Rubrika
    Lajme28 Maj 2024
    Analisti politik, Artan Muhaxhiri, për FrontOnline thotë se puna dhe se si e kanë marrë pushtetin kryetarët në komunat veriore, ka qenë...
    Lajme28 Maj 2024
    Deputetja e AAK-së¸Time Kadrijaj, për FrontOnline thotë se nuk ka ndonjë raport që vlerëson punën e katër kryetarëve të komunave veriore. ‘’Nuk...
    Lajme28 Maj 2024
    Faton Klinaku, ushtruesi i detyrës së kryetarit të OVL e UÇK-së, ka thënë se Prokuroria e Speciales ka marrë para nga Rusia...
    Të tjera
    Lajme27 Maj 2024
    Ramush Haradianj, kryetar i Aleancës për Ardhmërinë e Kosovës (AAK), ka pretenduar të hënën se kryeministri i Kosovës Albin Kurti “është i...
    Lajme27 Maj 2024
    Raportuesja për Kosovën në Parlamentin Evropian, Viola Von Cramon, ka thënë se nuk do të këtë përparim të Kosovës dhe Serbisë drejtë...
    Lajme27 Maj 2024
    Kryeministri i Kosovës, Albin Kurti, ka përkujtuar në përvjetorin e vdekjes së saj, nënën Pashkë. Kurti ka thënë se bijtë e saj,...
    Sport27 Maj 2024
    Jadon Sancho i dërgoi një mesazh ish-bashkëlojtarit Jude Bellingham pasi u konfirmua se Real Madridi do të përballet me Borussia Dortmundin në...
    Lajme27 Maj 2024
    Në Shtetet e Bashkuara të Amerikës është shënuar “Dita e Përkujtimeve”. Qëllimi kryesor i kësaj feste është të nderojë dhe të kujtojë...
    Lajme27 Maj 2024
    Kryeministri i Republikës së Kosovës, Albin Kurti, mori pjesë në pritjen e organizuar nga Asociacioni i Malit të Zi me rastin e...

    FrontOnline, © 2024 Të gjitha të drejtat e rezervuara.