Mjeku epidemiolog Ilir Alimehmeti, ka akuzuar qeverinë e Shqipërisë për mungesë transparence në lidhje me situatën Covid në vend.

Përmes një analize të cilën e ka përcjellë në rrjetin social, epidemiologu krahason grafikët e personave të vdekur në SHBA me ato në Shqipëri. Alimehmeti saktëson se ndryshe nga SHBA-të, në Shqipëri numrat e të infektuarve me ata të vdekur janë fare pranë, çka do të thotë që tamponët mund të jenë bërë me vonesë.

Më tutje mjeku shpjegon se qeveria nuk ka bërë publik kurrë të dhënat mbi nivelin e ngarkesës virale në tamponët e kryer në popullatë, e as numrat e personave të infektuar gjatë qëndrimit në spital.