Ministria e Arsimit, Shkencës dhe Teknologjisë (MASHT), ka njoftuar sot se është hapur konkursi për ndarjen e bursave për studentët elitarë të Universitetit të Prishtinës, të niveleve Bachelor dhe Master për vitin akademik 2019-2020, raporton “Front Online”.

MAShTI ka njoftuar poashtu se aplikimi për këtë vit do të bëhet përmes Sistemit Elektronik për Menaxhimin e Studentëve të Universiteteve Publike.
Kjo për shkak të përhapjes së pandemisë Covid-19 në Kosovë.

“Aplikimi eletronik do të jetë i hapur nga data 08.06.2020 deri më datë 29.06.2020. Lista përfundimtare e studentëve të cilët përmbushin kushtet dhe kriteret për të qenë përfitues të MAShTI-t dorëzohen nga Universitetet Publike në MAShTI. Lista e studentëve përfitues do të bëhet publike në uebfaqen e MAShTI-t”, thuhet në njoftim./Front Online