Në Komunën e Prishtinës do të shpërndahen 60 mijë maska për të gjitha shkollat e kryeqytetit.
Sot, Ministri i Arsimit, Ramë Likaj bashkë me Ministrin e Shëndetësisë, Armend Zemaj, kanë vizituar disa shkolla në Prishtinë.
Të shoqëruar nga Drejtoresha për Arsim në Komunën e Prishtinës, Shpresa Shala dhe Drejtori për Shëndetësi, Bujar Gashi, dy ministrat kanë parë nga afër përgatitjet që janë bërë në prag të fillimit të vitit të ri shkollor.
Në një postim në në faqen zyrtare të Komunës së Prishtinës në Facebook, kanë falenderuar Ministrinë e Shendetësisë për dhurimin e maskave për shkollat “Hilmi Rakovica”, “Zenel Hajdini” e “Ganimete Tërbeshi” dhe Ministrinë e Arsimit, Shkencës e Teknologjisë për donacionin prej 60.000 maskave për të gjitha shkollat e Prishtinës.
