Ministri i arsimit, Ramë Likaj, sot ka pritur në takim kryetarin e SBASHK’ut Rrahman Jasharaj, me të cilin kanë disktuaur për përgaditjet për fillimin e vitit të ri shkollor.

MASHT përmes një komunikate në rrjetin social Facebook, tha se vendimi për vazhdimin e mësimit do të merret me IKSHPK’në, MSH’në dhe institucionet tjera përgjegjëse.

“Ministri Likaj, në këtë takim ka folur për koncept dokumentet të cilat janë hartuar për fillimvitin shkollor, sipas rrethanave të krijuara nga pandemia COVID-19, ku secili vendim do të merret në konsultim të vazhdueshëm me Ministrinë e Shëndetësisë, IKShPK-në dhe institucionet tjera relevante.”, thuhet në njoftimin e MASHT’it.

Njoftimi i plotë:

Ministri i Arsimit dhe Shkencës, Ramë Likaj ka pritur sot në takim kryetarin e SBASHK-ut, Rrahman Jasharaj, me të cilin ka diskutuar lidhur me përgatitjet për fillimin e vitit të ri shkollor 2020/2021 në ambientet shkollore.

Ministri Likaj, në këtë takim ka folur për koncept dokumentet të cilat janë hartuar për fillimvitin shkollor, sipas rrethanave të krijuara nga pandemia COVID-19, ku secili vendim do të merret në konsultim të vazhdueshëm me Ministrinë e Shëndetësisë, IKShPK-në dhe institucionet tjera relevante.

Ministri Likaj dhe Kryetari Jasharaj janë pajtuar që të formohet një komision i përbashkët në mes të Ministrisë së Arsimit dhe SBASHK-ut për rishikimin e Kontratës Kolektive, si dhe për mundësinë e vazhdimit të programit për ngritjen profesionale të mësimdhënësve, pa shkëputje nga puna.

Ndër të tjera, ministri Likaj është zotuar që të vazhdojnë përpjekjet e përbashkëta për të gjetur një zgjidhje të drejtë dhe ligjore për mësimdhënësit, të cilët janë të prekur nga sëmundje të rënda.