Marrëveshja e nënshkruar ndërmjet Kosovës dhe Serbisë në Uashington po cilësohet historike për vendin tonë për depërtimin në arenën ndërkombëtare, krahas garancisë së Shteteve të Bashkuara të Amerikës. Analistët vlerësojnë se në bazë të Kushtetutës, marrëveshja nuk i nënshtrohet ratifikimit në Kuvend.

Analisti politik Ramush Tahiri ka thënë se përkushtimi i Presidentit Trump për këtë marrëveshje dhe mbikëqyrja e saj nga SHBA-të, nuk lë vend për dyshim në zbatim. Tekssa thotë se një dobi tjetër e marrëveshjes është edhe pakoja financiare disa miliardë dollarëshe.

Sa i përket marrëveshjes për “Mini-shengen”, ai thotë se nuk duhet pasur frikë, sepse Kosova vetëm fiton me “Mini-shengen”, duke u forcuar Kosova dhe Shqipëria.

“Vetëm konkurrencë të drejtpërdrejt, edhe me Serbinë, ne s’kemi çka i frikohem, edhe me Maqedoninë Veriore, por bashkë me Shqipërinë për treg të përbashkët ne mund ta lidhim kapitalin, interesin tonë me Shqipërinë. Pra, dalim më të fuqishëm karshi kombeve tjera, edhe Malit të Zi, Maqedonisë Veriore dhe Serbisë. Pra, Mini-shengeni, unë nuk pajtohem me kritikat që i ka pasur LDK-ja dhe Isa Mustafa, si dhe kryeministri aktual. Unë mendoj se Mini-shengeni është në dobi të Kosovës, jo vetëm pse po e thotë SHBA”, thekson Tahiri për KosovaPress, .