Presidenti francez Emanuel Macron tha në Papete se Franca ka një borxh për testet bërthamore të kryera nga 1966 deri më 1996 në Oqeanin Paqësor.
“Unë dua të vërtetën dhe transparencën së bashku me ju”, tha Macron në një fjalim drejtuar zyrtarëve të Polinezisë Franceze, e cila është territori Francez përtej detit.
Ai shtoi se viktimat e këtyre armëve bërthamore duhet të marrin kompensim më të mirë.
Çështja e ndjeshme e pasojave shëndetësore të testeve bërthamore që Franca ka kryer në rajon për gati katër dekada ishte në axhendën e vizitës katër-ditore të Macron në Polinezinë Franceze.
Kjo është vizita e parë e presidentit francez në arkipelagun e Paqësorit. Vizita ishte planifikuar për vitin 2020, por u shty për shkak të pandemisë së virusit./FrontOnline/